Prezidentə “İnformasiya əldə etmək haqqında” Qanun icrasındakı mövcud çatışmazlıqlarla bağlı Müraciət göndərilib

Multimedia İnformasiya Sistemləri və Texnologiyaları

Mərkəzin

Məlumatı

01 noyabr 2006-ci il tarixdə  Multimedia Mərkəzi tərəfindən  Prezidentə “İnformasiya əldə etmək haqqında” Qanun icrasındakı mövcud çatışmazlıqlarla bağlı Müraciət göndərilib

 Müraciət  Mərkəz tərəfindən 27 oktyabr 2006-cı il tarixdə keçirilinən “İnformasiya azadlığının gerçəkləşməsində İnternetin rolu : mövcud vəziyyət  və perspektivlər” mövzusundakı Dəyirmi Masada qaldırılan problemlərlə bağlı  Dəyirmi Masa iştirakçıəlarının ümumi fikirləri əsasında hazırlanıb.

Müraciətdə “İnformasiya əldə etmək haqqında” Qanunun ölkədə açıq hökumətin qurulmasında, hökumətin şəffaflığının və səmərəliliyinin artırılmasında mühüm addım olduğu qeyd edilib

Eyni zamanda Müraciətdə  İnformasiya Məsələləri üzrə Müvəkkil institutunun  yaradılmasının , dövlət orqanlarının İnternet informasiya ehtiyatlarının yaradılması və onlara verilən tələblərin  təsdiqlənməsinin , icra orqanlarındakı informasiya xidmətləri göstərən struktur bölmələrinin formalaşdırılmasının tezləşdirilməsi xahiş olunub.

Multimedia Mərkəzi