Azərbaycan Respublikasının Korrupsiyaya Qarşı Mübarizə Üzrə Komissiyasının www.antikorrupsiya. gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikasının Korrupsiyaya Qarşı Mübarizə  Üzrə Komissiyasının www.antikorrupsiya. gov.az   İnternet saytının texniki imkanları onun daha da təkmilləşdirilməsinin mümkünlüyündən xəbər verir. Qurumun saytında boş qalan bölmələrinin də məlumatlarla dolğunlaşdırılmasına ehtiyac vardır. Yuxarıda hansı bölmələrin boş olduğunu nəzərə çatdırdıq. Bunu nəzərə alaraq aşağıda bu yöndə bəzi tövsiyələrimizi təqdim edirik:

 1. Qurum ilə bağlı informasiyalar yetərli sayılacaq qədərdir. Bunun üçün də əlavə bir tövsiyəyə ehtiyac duyulmur.

 2. Ziyarətçilərin qurum ilə əlaqə saxlaması üçün təqdim edilmiş bilgilər sırasına quruma gəlmək üçün ictimai nəqliyyat haqqında da bilgilərin daxil edilməsi nəticəsində bu bölmə dolğunlaşmış olar.

 3. Qurumun strukturu haqqında (strukturun sxemi və s.) bilgilər təqdim edilsə yaxşı olar.

 4. Rəhbər işçilər, onlarla əlaqə, struktur bölmələrinin rəhbərləri haqqında bioqrafik bilgilər və qurumun rəhbəri ilə əks- əlaqə imkanları barədə bilgilər təqdim olunduğu üçün əlavə tövsiyə verilmir.

 5. Qurumun cari fəaliyyəti haqqında təqdim edilən informasiyalar yetərli olduğundan əlavə bir tövsiyəyə gərək yoxdur.

 6. Yaxşı olardı ki, ümumi dövlət büdcəsinin quruma aid hissəsi və onun icrası barədə bilgilər də saytda əks etdirilsin.

 7. Yaxşı olardı ki, qurum tərəfindən təklif edilən e-xidmətlər haqqında informasiyalar geniş təqdim edilsin.

 8. Dövlət qurumu və onun struktur bölmələrindəki mövcud boş iş yerləri haqqında elanlar və boş iş yerləri haqqında elanların arxivi barədə bilgilərin də təqdim edilməsinə gərək var.

 9. Digə təqdim olunmayan məlumat sahə işçilərinin əmək haqları barədədir. Bu barədə  bilgilərin verilməsi tövsiyələr sırasındadır.

 10. Vətəndaşların qəbul şərtləri və qəbul günləri (saatları) barədə bilgilər təqdim edilməyən məlumatlardandır.  Komissiya üzvlərinin vətəndaşları qəbul günləri haqqında məlumatlar da verilsəydi, bu sahə dolğunlaşmış olardı.

11. Qurum tərəfindən tender və yarışmaların keçirilmə qaydaları, tender elanları, tender və yarışmaların nəticələri  barədə də heç bir  bilgi göstərilməmişdir. Bu bilgilərin verilməsi faydalı olardı.

 12. Qurumun norma- (qanun)yaratma fəaliyyəti barədə bilgilər əks etdirildiyi üçün əlavə tövsiyəyə ehtiyac duyulmur.

 13. Saytın abunə imkanının olması da gərəklidir. Sosial şəbəkələrdə səhifəsinin hazırlanmasına da ehtiyac duyulur.