Layihə : Dövlət orqanlarının və Mədən sənayesində şəffaflıq təşəbbüsünə qoşulan neft şirkətlərinin informasiya açıqlığının monitorinqi və vətəndaşların informasiya hüququnun gerçəkləşməsinə dəstək
Layihə «Multimedia» Mərkəzi tərəfindən vətəndaşların informasiya azadlığının effektiv və çevik qurulması üçün , informasiya azadlığının inkişaf etdirilməsi üçün yeni qəbul edilən İnformasiya əldə edilməsi haqqında Qanunun reallaşdırılması istiqamətində zəruri addımların atılmasına yönəlib.
Layihənin məqsədi.
– Vətəndaş cəmiyyətinin ictimai informasiya subyektlərinin informasiya açıqlığı üzərində nəzarətinin gücləndirilməsi.
– Cəmiyyətin demokratik inkişafı üçün vacib şərt sayılan informasiya azadlığının gerçəkləşdirilməsi üçün vətəndaşlara, vətəndaş cəmiyyəti subyektlərinə hüquqi, metodiki və təşkilatı dəstək göstərmək.
Müddət : 9 ay
Həyata keçiriləcək tədbirlər
1. Açıqlanması qanunda nəzərdə tutulan informasiyaların yerləşdirilməsinə ictimai nəzarətin təşkili üçün Dövlət orqanlarının internet resurslarının monitorinqi həyata keçiriləcək.
İnternet resursların monitorinqində aşağıdaklar əsas götürüləcək
1. Dövlət qurumu haqqında ümumi məlumat
2. İnformasiya bolluğu
3. Struktur
4. Statistik informasiya
5. Saytin iş rejimi
6. Hüquqi-normativ baza
7. Fəaliyyəti
8. Tenderlər, müsabiqələr
9. Vətəndaşlarla əlaqə. Elektron xidmətlər
10. Axtarış və menyu sistemi
11. .Digər ictimai əhəmiyyətli informasiyalar
12. Açıqlanması məcburi olan digər informasiyalar
Neft şirkətləri üzrə
1. Neft şirkəti haqqında məlumat
2. Statistika
3. Gəlirlər
4. Ödənilən vergilərin məbləği
5. Hökumətə digər ödəmələr
6. Əməliyyat xərcləri
7. Auditin nəticələri
8. Fərdi hesabatlar
9. Kadrlar
10. İşə qəbul və Vakansiyalar
11. Vətəndaşlarla əlaqə
12. Açıqlanması məcburi olan digər informasiyalar
Monitorinqin nəticələri yaradılacaq veb-saytda yerləşdiriləcək və onun ictimai müzakirələri təşkil ediləcək .
2. Dəyirmi Masalar keçirmək.
«Hökumətin və neft şirkətlərinin informasiya açıqlığı : mövcud vəziyyət, tendensiyalar və proqnozlar » mövzusunda Dəyirmi Masa keçirmək.
3. Vətəndaşların informasiya azadlığının gerçəkləşdirilməsi istiqamətində KİV mnümayəndələri və QHT rəhbərləri üçün seminarlar təşkil etmək.
Aşağıdakı mövzular ətrafında seminarların keçirilməsi nəzərdə tutulur:
1. İnformasiyanın təqdim edilməsi qaydaları haqqında. Sərbəst girişin məhdudlaşdırıldığı , açıqlanması məcburi olan informasiyalar.
2. İnformasiya Məsələləri üzrə Müvəkkil İnstitutu. İnformasiya azadlığının pozulması ilə bağlı məsuliyyət
Layihənin rəhbəri : Osman Gündüz
Layihə ACİ-Yardım Fondu tərəfindən dəstəklənib.