Səhiyyə Nazirliyinin www.sehiyye.gov.az rəsmi internet saytının fəaliyyətinin təkmilləşdirilməsi ilə bağlı
TÖVSİYƏLƏR
26 iyun 2007
Səhiyyə Nazirliyinin www.sehiyye.gov.az domen adlı rəsmi internet saytının monitorinqinin yekunu olaraq onun fəaliyyətini təkmilləşdirmək və bəzi çatışmayan cəhətləri aradan qaldırmaq üçün “İnformasiya Azadlığının İnkişafı” Koalisiyası tərəfindən bir sıra tövsiyələr aşağıda göstərilib:
Səhiyyə Nazirliyi haqqında ümumi məlumatlar
1. Səhiyyə Nazirliyinin struktur sxemi, nazir, nazir müavinləri və onun digər şöbələrinin vəzifəli şəxsləri barədə məlumatlar sayta daxil edilsə, nazirlik aparatının işi haqqında dolğun təəssürat yaradardı.
2. Eyni zamanda bu məlumatlara əlavə olaraq rəhbər işçilərin qəbul saatları, telefonu, e-mail ünvanı və vətəndaşların qəbul qaydaları daxil edilsə yaxşı olardı.
3. Boş iş yerləri haqqında elanla yanaşı işə qəbul və müsabiqə qaydaları verilsə kadrların daha düzgün seçilməsinə şərait yaradardı.
4. Qanunvericilikdə ştat cədvəlinin verilməsi nəzərdə tutulub. Ona görə həmin məsələ öz həllini tapmalıdır.
5. Dövlət başçısının verdiyi sərəncamlarla yanaşı nazirliyin öz əmr, sərəncam və qərarların saytda yerləşdirilməsi yaxşı olardı.
6. Öz sahəsində dövlət sirri təşkil edən məlumatların siyahısının verilməsi tövsiyə olunur.
Səhiyyə Nazirliyinin fəaliyyəti barədə hesabatlar. Büdcə və büdcə proqnozları
1. Dövlət satınalmaları haqqında, Tenderlər haqqında məlumatların saytda yerləşdirilməsi faydalı olardı
2. Sahəyə aid dövlət büdcəsi, dövlət büdcəsinin xərcləri barədə hesabatların saytda yerləşdirilməyib.
3. Qüvvədə olan əmək haqqı dərəcələri, əməyin ödənilməsinə dair təlimatlar verilsə bu sahədə istifadəçiləri maraqlandıran suallara cavab verilmiş olardı.
Göstərilən xidmətlərə dair məlumatlar.
1. Yaxşı olardı ki, müxtəlif xidmətlər, lisenziyalar, rüsumlar haqqında məlumatlar və onların doldurulmuş nümunələri saytda yerləşdirilsin.
Sayt olan texniki tələbatlar
1. Saytın hər hansı geniş yayılmış xarici dilli versiyası yaradılması yaxşı olardı.
2. Nəzərə almaq lazımdır ki, dövlət orqanları, habelə aidiyyatı üzrə beynəlxalq təşkilatların saytlarına keçidlərin qoyulması xeyli səmərəli olardı