Fövqəladə Hallar Nazirliyinin www.fhn.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Fövqəladə Hallar Nazirliyinin www.fhn.gov.az ünvanlı İnternet saytı digər saytlarla müqayisədə videosüjetlərin bolluğu ilə irəli geçə bilib. Saytın daha dolğun və daha təkmil olması dərhal diqqəti cəlb edir. Üstəlik, e-xidmətlərin verilməsi də onun üstünlüklərindən biridir. Bununla belə, bəzi çatışmazlıqlar da müşahidə edilməkdədir. Yəni saytın texniki şərtləri gərəkli bilgiləri lazım olan şəkildə təqdim etməyə imkan verir.

Bunu nəzərə alaraq aşağıda bu yöndə bəzi tövsiyələrimizi təqdim edirik:

1. Qurum ilə bağlı informasiyalar yetərli sayılacaq qədərdir. Bunun üçün də əlavə bir tövsiyəyə ehtiyac duyulmur.

2. Ziyarətçilərin qurum ilə əlaqə saxlaması üçün təqdim edilmiş bilgilər sırasına quruma gəlmək üçün ictimai nəqliyyat haqqında da bilgilərin daxil edilməsi tövsiyə olunur.

3. Qurumun strukturu haqqında məlumatlar yetərincə olduğu üçün əlavə tövsiyəyə ehtiyac yoxdur.

4. Rəhbər  işçilər, struktur bölmələrinin rəhbərləri haqqında bioqrafik bilgilərin yarımçıq təqdim olunduğunu nəzərə alsaq, bu sahənin dolğunlaşdırılması tövsiyə olunur.

5. Qurumun cari fəaliyyəti haqqında təqdim edilən informasiyalar, mətbuat üçün açıqlamalar və onların tezliyi yetərli olduğundan əlavə bir tövsiyəyə gərək duyulmur.

6. Yaxşı olardı ki, ümumi dövlət büdcəsinin quruma aid hissəsi və onun icrası barədə məlumatlar da saytda əks etdirilsin.

7. Qurum tərəfindən təklif edilən xidmətlər və əlavə xidmətlər haqqında geniş bilgilər təqdim edilir. Onlayn müracitə imkanı, qaynar xətt, çağrı mərkəzləri, elektron müraciətlər bölmələri dolğun olduğu üçün bü üzdən də əlavə tövsiyə verilmir.

8. İşə qəbulun norma və qaydaları, boş iş yerləri haqqında elanlar və boş iş yerləri haqqında elanların arxivi barədə bilgilər də təqdim edilməsi tövsiyə olunur.

9. Növbəti tövsiyə sahə işçilərinin əmək haqları barədə bilgilərin saytda yer alması ilə bağlıdır.

10. Vətəndaşların qəbul şərtləri və qəbul günləri (saatları) barədə bilgiləri bütün göstəricilər üzrə ayrıntılı şəkildə təqdim edildiyi üçün bu sahədə əlavə tövsiyə verilmir.

11. Qurum tərəfindən tender və yarışmaların keçirilmə qaydaları və elanlarla bağlı məlumata rast gəlmədik. Yaxşı olardı ki, bu sahə üzrə də məlumatlar sayta əlavə edilsin.

12. Qurumun norma- (qanun) yaratma fəaliyyəti barədə bilgilər geniş əks etdirildiyi üçün bu sahədə tövsiyə verilmir.

13. Qurumun saytının domen rahatlığı, istifadə rahatlığı və əks əlaqə üçün onlayn yazşıma rahatlığı var. FHN-in sosial şəbəkələrdən facebook-da aktiv səhifəsi də fəaliyyət göstərir. Lakin yaxşı olardı ki, saytın texniki imkanları sırasında abunə imkanı  da göstərilsin.