Azərbaycan Dəmir Yolları QSC-nin www.addy.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Dəmir Yolları QSC-nin www.addy.gov.az ünvanlı İnternet saytı ziyarətçilər üçün dolğun və təkmildir. Saytda e-xidmətlərin olması, həmçinin, rəhbərliklə əlaqə saxlamaq baxımından bütün rəhbər işçilərin, struktur rəhbərlərinin  telefon nömrələrinin və onlayn müraciət formalarının verilməsi təqdirəlayiq haldır. Yəni saytın texniki şərtləri gərəkli bilgiləri lazım olan şəkildə təqdim etməyə imkan verir.

Bunu nəzərə alaraq aşağıda bu yöndə bəzi tövsiyələrimizi təqdim edirik:

1. Qurum barədə təqdim edilmiş bilgiləri yetərli saymaq olar. Burada tövsiyə yalnız rəhbərin müavinləri və departament rəhbərlərinin bioqrafik bilgilərinin verilməsi ilə bağlıdır.

2. Ziyarətçilərin qurum ilə əlaqə saxlaması üçün təqdim edilmiş bilgilər sırasına quruma gəlmək üçün ictimai nəqliyyat haqqında da bilgilərin daxil edilməsi tövsiyə olunur.

3. Qurumun strukturu haqqında  lazımi bilgilər təqdim edilir. Struktur bölmələrinin rəhbərləri ilə əlaqə vasitələri də göstərildiyi üçün bu sahədə  əlavə tövsiyəyə gərək duyulmur.

4. Rəhbər işçilər, onlarla əks əlaqə, struktur bölmələrinin rəhbərləri ilə əlaqələr mövcuddur. Amma struktur rəhbərləri haqqında bioqrafik bilgilərin də təqdim edilməsi tövsiyə olunur.

5. Qurumun cari fəaliyyəti haqqında təqdim edilən informasiyalar yetərli olduğundan əlavə bir tövsiyəyə ehtiyac yoxdur. Mətbuat üçün açıqlamalar və onların tezliyi dəsaytda öz əksini tapır.

6. Qurumun dövlət büdcəsi haqqında ümumi məlumat verilsə də,  onun icrası barədə ayrıntılı bilgilərin  saytda əks etdirilmədiyindən bu bilgilərin də təqdim edilməsi tövsiyə olunur.

7. Qurum tərəfindən təklif edilən xidmətlər və əlavə xidmətlər, onlayn müraciət imkanı, elektron xidmətlər və qaynar xətt təqdim edildiyi üçün əlavə tövsiyəyə ehtiyac duyulmur.

8. İşə qəbul qaydaları və boş iş yerləri haqqında, həmçinin işə qəbulla bağlı  komissiyalar haqqında, dövlət qurumu və onun struktur bölmələrindəki mövcud boş iş yerləri haqqında elanlar və boş iş yerləri haqqında elanların arxivi barədə bilgilərin saytda təqdim edilməsi tövsiyələr sırasındadır.

9. Sahə işçilərinin əmək haqları barədə bilgilərin də əks etdirilməsi tövsiyə olunur.

10. Vətəndaşların qəbul şərtləri və qəbul günləri (saatları) barədə məlumatlara da rast gəlinmir. Bu barədə də bilgilərin verilməsi tövsiyələr sırasındadır.

11. Tender və yarışmaların keçirilməsi ilə bağlı bilgilərə saytda rast gəlinmədiyindən bu sahə üzrə də məlumatların əks etdirilməsi tövsiyə olunur.

12. Qurumun norma- (qanun) yaratma fəaliyyəti barədə verilən məlmatlar yetərli sayıla bilər. Buna görə əlavə tövsiyəyə ehtiyac duyulmur.

13. Saytın texniki imkanları sırasına yeganə tövsiyəmiz abunə imkanının əlavə edilməsi ilə bağlıdır.