“Dövlət orqanlarının rəsmi internet resurslarının monitorinqinin yekunları: problemlər və perspektivlər” mövzusunda Dəyirmi Masada keçiriləcək.

18.09.2007

“İnformasiya  Azadlığının İnkişafı” Koalisiyasının
Məlumatı 

     “İnformasiya  Azadlığının İnkişafı” Koalisiyası  tərəfindən aparılan dövlət orqanlarının internet resurslarının Monitorinqinin 1-ci  mərhələsi  başa çatmaq üzrədir.

     Məlum olduğu kimi  cari ilin  may  ayından etibarən  Koalisiya  tərəfindən  “Vətəndaşların informasiya  azadlığının  gerçəkləşməsinə  dəstək“ Layihəsi  çərçivəsində   dövlət  qurumlarının informasiya açıqlığı vəziyyəti  Monitorinq olunur. (www.informasiya.org  )

     Monitorinqin nəticələri yaxın vaxtlarda  “İnformasiya  Azadlığının İnkişafı” Koalisiyası  və onun aparıcı qurumu olan Multimedia İnformasiya Sistemləri  və Texnologiyaları Mərkəzi tərəfindən  keçirilməsi nəzərdə tutulan

“Dövlət orqanlarının rəsmi internet resurslarının monitorinqinin yekunları: problemlər  və perspektivlər” mövzusunda Dəyirmi Masada müzakirə ediləcək.

     Dəyirmi  Masada  dövlət  qurumlarının informasiya  açıqlığında onların internet  resurslarının rolu, İnformasiya əldə  etmək haqqında  Qanunun  icrası üzərində vətəndaş  cəmiyyətinin səylərinin birləşdirilməsi yolları ətrafında  müzakirələr  aparılacaq. Monitorinqin dörd aylıq nəticələri  əsasında hazırlanan dövlət orqanlarının informasiya açıqlığı üzrə Reytinq Cədvəli  təqdim olunacaq.

     Pilot  Bələdiyyələrin İnternet  resurslarının hazırlanması və informasiya münasibətlərinin effektiv qurulması  istiqamətində mövcud  vəziyyət  haqqında  məlumat  veriləcək.

      Dəyirmi Masada müvafiq hökumət qurumlarının və Bələdiyyələrin, müstəqil ekspertlərin, özəl və ictimai sektorun təmsilçilərinin, beynəlxalq təşkilatların nümayəndələrinin iştirakı nəzərdə tutulur.

      Layihə  Counterpart İnternasional təşkilatı  tərəfindən  dəstəklənib.                                                                   

Multimedia Mərkəzi
Tel: 492 44 44
www.informasiya.org
info@informasiya.org