“Dövlət orqanlarının rəsmi internet resurslarının monitorinqinin yekunları: problemlər və perspektivlər” mövzusunda Dəyirmi Masa keçiriləcək

28.09.2007

Multimedia
İnformasiya Sistemləri  və Texnologiyaları
Mərkəzinin

Məlumatı
 
     “İnformasiya  Azadlığının İnkişafı” Koalisiyası  və onun aparıcı qurumu olan Multimedia İnformasiya Sistemləri  və Texnologiyaları Mərkəzi tərəfindən 02 oktyabr 2007- cı il  tarixdə , saat 11.00-da , BMM-də  “Dövlət orqanlarının rəsmi internet resurslarının monitorinqinin yekunları: problemlər  və perspektivlər” mövzusunda Dəyirmi Masa keçiriləcək.
      Dəyirmi  Masada ictimai əhəmiyyətli informasiyaların yayılması  sahəsində mövcud  vəziyyət  və problemlər, dövlət  qurumlarının internet  resurslarının  bu sahədəki rolu ətrafında  müzakirələr  aparılacaq. Monitorinqin dörd aylıq nəticələri  əsasında hazırlanan dövlət orqanlarının informasiya açıqlığı üzrə Reytinq Cədvəli  təqdim olunacaq(www.informasiya.org ).
     Pilot  Bələdiyyələrin İnternet  resurslarının hazırlanması istiqamətində mövcud  vəziyyət  haqqında  məlumat  veriləcək.
     Dəyirmi Masada hökumət qurumlarının nümayəndələri, müstəqil ekspertlər, özəl və ictimai sektorun təmsilçiləri, beynəlxalq təşkilatların nümayəndələrinin iştirakı nəzərdə tutulur.
   Tədbir Counterpart İnternational təşkilatı tərəfindən dəstəklənən “Vətəndaşların informasiya  azadlığının gerçəkləşməsinə dəstək” Layihəsi çərçivəsində keçirilir.

 Multimedia Mərkəzi
Tel: 492 44 44 
www.informasiya.org 
info@informasiya.org