Milli Televiziya və Radio Şurasına məxsus www.ntrc.gov.az ünvanındakı rəsmi İnternet resursunun fəaliyyətinin təkmilləşdirilməsi ilə bağlı tövsiyələr

Azərbaycan Respublikası Milli Televiziya və Radio Şurasına məxsus www.ntrc.gov.az ünvanındakı İnternet resursunun fəaliyyətinin təkmilləşdirilməsi ilə bağlı tövsiyələr

Apardığımız daha bir monitoringin nəticələrindən də göründüyü kimi Milli Televiziya və Radio Şurasının www.ntrc.gov.az ünvanındakı rəsmi nternet resursu ən aşağı tələbatlara belə cavab vermir. Üstəlik sayt artıq üç ilə yaxındır ki, yenilənmir. Əlbəttə ki, belə bir ciddi qurumun öz İnternet təsərrüfatına bu cür etinasız yanaşması təəssüf doğurmaya bilməz. Üstəlik onu da nəzərə alsaq ki, qurumun fəaliyyəti daim ictimaiyyətin diqqət mərkəzində olur və ortaya çoxsaylı sualların çıxması təbii haldır. Halbuki bu sayt normal fəaliyyət göstərsəydi bir çox vətəndaş informasiya tələbatını onun üzərindən təmin edə bilərdi.

Saytın işinin təkmilləşdirilməsi ilə bağlı tövsiyələr irəli sürmək elə də asan olmasa da biz hər halda bəzi məsələlərlə bağlı fikir yürütmək istərdik. Beləliklə, saytın fəaliyyətinin bərpası ilə bağlı tövsiyələrimiz:

1. Nəzərə alaraq ki, sayt uzun zamandır yenilənmir, onda onun fəaliyyətinin bərpasını xəbərlər və ictimai əlaqələrə məsul olan vəzifəli şəxslə birbaşa əlaqə imkanları ilə başlamaq məqsədəuyğun olardı.

2. Saytda xüsusən də qurumun ştat tərkibinin böyük olmadığını nəzərə alaraq bütün üzvlər və işçilər barədə bilgilər yerləşdirib onların əmək haqları ilə bağlı məlumat vermək qanunun daha bir tələbinin icrası demək olardı.

3. Xüsusi maraq doğurmasını nəzərə alaraq tezliklərin siyahısı, müsabiqə və lisenziya qaydaları barədə ayrıca bilgilərin tez bir zamanda resursa yerləşdirilməsi də ən vacib məqamlardan biridir.

4. Saytda yer alan və artıq qüvvədən düşən qanunların yeniləri ilə əvəz edilməsi ziyarətçiləri çaşqınlıqdan qurtara bilərdi.

5. Saytda TV və radio fəaliyyətinin tənzimlənməsi ilə bağlı təlimatların yerləşdirilməsi, həmçinin qanunvericiliyin tələblərindən irəli gələn müşahidələrin nəticələri haqda ayrıntılı bilgilərin yerləşdirilməsinə zərurət var.

6. Müxtəlif TV və radio kanallarına MTRŞ-nin etdiyi xəbərdarlıqlar və tətbiq olunan cərimələr barədə ayrıca bölmə yerləşdirmək məqsədəuyğun olardı.

7. Qurumun yaranma tarixi haqqında bilgini tamamlayaraq dolğunluq həddinə çatdırmaq da zəruridir.

8. MTRŞ-nin vəzifəli şəxslərinin çıxışları, büdcə məsələləri də ayrıca qeyd olunmalıdır.

9. Yekunda  bir daha  qeyd etmək istərdik ki, Milli Televiziya və Radio Şurasının rəsmi saytı ciddi surətdə yenidən qurulmalıdır