Suraxanı Rayon İcra Hakimiyyəti www.surakhani-ih.gov.az domen adlı İnternet saytının monitorinqinin yekunu /İCMAL/

Azərbaycan Respublikası Suraxanı Rayon İcra Hakimiyyəti  www.surakhani-ih.gov.az standart icra orqanı İnternet resursudur. Saytın bütün bölmələrindəki informasiyalar standart forma və ölçüdədir.  Xəbərlər bölməsində informasiyalar demək olar ki, ayda bir dəfə yenilənir. Rayonun Coğrafi mövqeyi bölməsindəki informasiya azdır. İnternet resursunda yenilik kimi Heydər Əliyev Mərkəzi bölməsi var və bu bölmədən  üç rayondakı (Suraxanı, Qaradağ və Yasamal) Heydər Əliyev Mərkəzlərinə çıxış var. Etik davranışlar bölməsi işlək vəziyyətdə deyil. Saytda elektron muraciət forması mövcuddur, elektron  xidmətləreən istifadə imkanı təqdim edilir. Saytdan sosial şəbəkələrə çıxış isə yoxdur.

Beləliklə, Suraxanı Rayon İcra Hakimiyyəti saytinın ümumi mənzərəsi aşağıdakı kimidir:

1.  Rayonun tarixi, əhalisi, iqtisadiyyatı, təhsili, səhiyyəsi, mədəniyyəti, idmanı haqqındakı bilgilərı kafi qiymətləndirmək olar. Coğrafi mövqeyi bölməsindəki informasiyalar azdır. Qurum haqqında verilmiş  məlumat qənaətbəxş hesab olunsa da, qurumun rəhbəri haqqında olan məlumat barədə bunu deyə bilmirik. Qurumun tarixi, quruma daha öncə başçılıq etmiş şəxslər barədə məlumat, qurumunun fəaliyyətini təmin edən qanunverici baza, qurumun səlahiyyət çərçivələri barədə də saytda məlumat verilmir.

2.  Əhalinin qəbulu üçün qurumun ünvanı, telefon və faks nömrəsi, e-poçt ünvanı verilsə də, birbaşa əhalini qəbul edəcək rəhbər işçilərin telefon nömrələri saytda öz əksini tapmayıb. Sadəcə qəbul günləri və qəbul saatları göstərilir. Quruma başqa yerlərdən getmək üçün marşrut və ictimai nəqliyyat haqqında məlumatlara da rast gəlinmir.

3.  Saytda qurumun strukturu, şura haqqında sxem və müavinlər haqqında mə­lumatlar var, amma onlarla əlaqə nömrələri yoxdur. Struktur bölmələrinin səlahiyyət çərçivələri, qurumun tabeli­yindəki informasiya sistemləri haqqında da məlumatlar saytda öz əksini tapmır.

4.  Qurumun rəhbəri haqqında informasiya çox az, struktur bölmələrinin rəhbərləri haqqında isə informasiya yoxdur. Onlarla əks əlaqə imkanları haqqında da bilgilər təqdim edilir. Bütün mümkün struktur bölmələrinin rəhbərləri haqqında bioqrafik bilgilər də yoxdur.

5.  Cari informasiyalar baxımından da saytı yaxşı qiymətləndirmək olmaz. Sayta qurumun keçirdiyi tədbirlər və gördüyü işlərlə bağlı ayda bir dəfə informasiya yerləşdirilir.Qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə də heç bir bilgi təqdim edilmir.

6.   Saytda qurumun büdcəsi, büdcənin  icrası haqqında,  büdcədənkənar daxil­olmalar və onların istiqamətləri, subsidiya alanlar haqda informasiyalara da rast gəlmək olmur.

7.  Qurumun təklif etməli olduğu mütləq və əlavə xidmətlər  haqqında da heç bir bilgi yoxdur. Burada yalnız onlayn müraciət imkanı təqdim edilir.

8.   Boş iş yerləri və işə qəbulla bağlı (qurum və onun struktur böl­mələrinə işə qəbulun hüquqi bazası, işə qəbulun norma və qaydaları,  işə qəbulla bağlı komissiyalar haqqında, qurum  və onun struktur bölmələrindəki mövcud boş iş yerləri haqqında elanlar və elanların arxivi) məlumatlar da təqdim edilməyən bilgilər sırasındadır.

9.   Qurumun işçilərinin əmək haqları ilə bağlı heç bir məlumat verilmir.

10.  Əhalinin qəbulu ilə bağlı yalnız rəhbər və ayrı-ayrı vəzifəli şəxsləri tərəfindən vətəndaşların sadəcə qəbul günləri və  qəbul saatları barədə bilgilər var. Burada nə vəzifəli şəxslərin əlaqə nömrələri, nə onlar  tərəfindən vətəndaşların qəbul norma və qaydaları, nə də qurumda vətəndaşların qəbul qaydaları haqqında bilgilər təqdim edilmir.

11.  Tender və yarışmalar haqqında hər hansı bilgiyə rast gəlinmir.

12.  Saytın texniki imkanları normal səviyyədədir. Onlayn müraciət forması təqdim olunsa da,  abunə imkanı yoxdur.