Azərbaycan Respublikası Rabitə və İnformasiya Texnologiyaları Nazirliyinin www.mincom.gov.az domen adlı İnternet saytının monitorinqinin nəticələri /İCMAL/

posted by

1. Qurumun özü ilə bağlı informasiyalar demək olar ki, dolğundur. Yalnız Azərbaycanda bu sahənin rəhbərləri olmuş şəxslər barədə informasiya çatışmır.

2. Ziyarətçilərin nazirliklə əlaqə saxlaması üçün sayt bütün imkanları təqdim edir. Burada çatışmayan nazirliyin yerləşdiyi ünvana müxtəlif istiqamətlərdən ictimai nəqliyyatın hərəkəti ilə bağlı informasiyanın yoxluğudur.

3. Qurumun strukturu ilə bağlı informasiya da dolğun sayıla bilər. Yalnız struktur bölmələrinin ünvanları haqqında bilgi gözə dəymir.

4. Rəhbər və rəhbər işçilərin biografiyaları, onlarla əks əlaqə imkanları da yetərincədir.

5. Qurumla bağlı cari və hər cür başqa informasiya baxımından sayt dolğundur. Yalnız qurumdaxili əmr və sərəncamların reestri nəzərə çarpmır.

6. Ümumi dövlət büdcəsinin sahəyə aid hissəsi və onun icra durumu haqqında da saytda heç bir bilgi verilmir.

7. Nazirlik tərəfindən təklif edilən xidmətlər barədə bilgiləri də yetərli saymaq olar. Burada çatışmayan əlavə xidmətlərin siyahısıdır.

8. Qurum tərəfindən gerçəkləşdirilən Proqramların və Layihələrin icrası ilə bağlı da konkret və əhatəli bilgilər gözə dəymir.

9. İşə qəbulla bağlı informasiyalar tam hesab edilə bilməz. Burada işə qəbulu həyata keçirəcək mümkün komissiyalar barədə bilgi yoxdur. Bundan başqa qurum daxilində ixtisasdəyişmə imkanları, işə qəbulun nəticələri və onlarla bağlı mübahisələrin həlli barədə də bilgi verilmir.

10. Sahə işçilərinin əmək haqları barədə bilgilərin yoxluğu saytın daha bir çatışmazlığı hesab edilə bilər.

10. Vətəndaşların qəbulu ilə bağlı bilgilər də yetərli sayıla bilər. Bununla belə qəbuldan imtinanın əsasları və imtina zamanı mübahisələrin həlli yolları göstərilməyib.

11. Tender və müsabiqələrin keçirilməsi ilə bağlı bilgilər tam və dolğun deyil. Burada qaydaların çatışmaması nəzərə çarpır.

12. Nazirliyin norma- (qanun)yaratma fəaliyyəti ilə bağlı bilgilər də demək olar ki, yarımçıqdır.