Bu sayt ilk baxışdan yaxşı təsir bağışlayır. Bununla belə standartlara tam cavab verdiyini də demək olmaz. Axtarış qutusu və arxiv var. Fondla bağlı bir çox məlumatları əldə etmək olar. Hesabatlar və auditor rəyləri köhnə olsa da fondun işində müəyyən şəffaflığın olmasına dəlalər edə bilər. Yaxşı olardı ki, saytda neft şirkətlərinin İnternet saytlarına keçidlər də yerləşdirilsin. Bu, ziyarətçilərin işini xeyli asanlaşdıra bilərdi. Ümumilikdə sayt aşağıdakı bölmələrdən ibarətdir:
• Fond haqqında: tarixi, fəlsəfəsi, idarə olunması, formalaşma mənbələri, maliyyə göstəriciləri, xərc istiqamətləri, maliyyələşdirdiyi mühüm layihələr, fəaliyyətində hesabatlılıq
• Normativ-hüquqi sənədlər: qanunlar, fərmanlar, sərəncamlar
• Xəbərlər və elanlar: mətbuat xidmətinin məlumatları (arxiv də var)
• Hesabatlar və statistika: son olaraq 2004-cü il üçün hesabat 2005-ci ilin yanvar-mart ayları üçün gəlir və xərclər barədə açıqlama, müstəqil auditor rəyləri və s.
• Mətbuatın güzgüsündə: heç bir məlumat yoxdur
• İdarəetmə strukturu: müşahidə şurası, üzvlərinin siyahısı və icraçı direktor
• Boş iş yerləri: iki köhnə iş elanı
• Sual-cavab: tez-tez verilən sualların cavabları və sual vermək üçün e-poçt ünvanı
• Bizimlə əlaqə: e-poçt da daxil olmaqla fondun ünvanı, telefon və faks nömrələri
Bunlardan başqa sağ tərəfdə illik hesabatlar, auditor hesabatları, gəlir və xərclər barədə rüblük hesabatlar, ARDNF-in büdcəsinə dair məlumatlara birbaşa keçid verilib.