Qaçqınların və Məcburi Köçkünlərin İşləri üzrə Dövlət Komitəsinin www.refugees-idps-committee.gov.az domen adlı İnternet saytnı fəaliyyətinin təkmilləşdirilməsi ilə bağlı TÖVSİYƏLƏRı

Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin www.refugees-idps-committee.gov.az domen adlı İnternet saytı, monitoringlə bağlı icmalda da qeyd etdiyimiz kimi, ciddi çatışmazlıqlarla müşayiət olunur. Saytda bir sıra informasiyalar ümumiyyətlə yoxdur. Olanların bir qisminin optimal vəziyyətdə olduğunu demək mümkün deyil. Bununla belə saytın təkmilləşdirilməsi imkanları da yox deyil. Elə ona görə də aşağıda bəzi tövsiyələrimizi təklif edirik:

1.    Qurumun hazırkı rəhbəri ilə bərabər ona əvvəllər də başçılıq etmiş şəxslər barədə bilgi verilməsi zəruridir.

2.    Qurumun yerləşdiyi ünvanın marşrut və sxeminin təklif edilməsi, eyni zamanda bura gəlmək üçün ictimai nəqliyyat barədə bilgi verilməsi işin xeyrinə olardı.

3.    Qurumun alt bölmələri və regional qolları haqqında ayrıntılı bilgi verilməsinə ehtiyac var. Eyni zamanda onların ünvanları və səlahiyyət çərçivələri haqqında bilgi verilməlidir.

4.    Komitənin rəhbərləri və başqa vəzifəli şəxsləri barədə biografik bilgilərin saytda yerləşdirilməsi olduqca vacibdir.

5.    Qurumun cari fəaliyyəti barədə informasiyaların çevikliyi təmin edilməli, orada qurumdaxili əmr və sərəncamlar haqqında da bilgi verilməlidir.

6.    Qurumun büdcəsi barədə ayrıntılı bilgilərin verilməsinə də ciddi zərurət var.

7.    Komitənin təklif etdiyi xidmətlər barədə ayrıca və ayrıntılı bilgilərin olmaması ciddi çatışmazlıqlardan biridir.

8.    İşə qəbul qaydaları və boş iş yerləri haqqında bilgilərin saytda yerləşdirilməsi işin xeyrinə olardı.

9.    Sahə işçilərinin əmək haqları barədə bilgilərin verilməsi məqsədəuyğundur.

10.    Vətəndaşların qəbul qaydaları və qəbul vaxtları ilə bağlı bilgilər də tələb olunanlar sırasındadır.

11.    Tender və müsabiqələr barədə bilgilərin verilməsi şəffaflıq baxımından olduqca önəmli amildir.

12.    Komitənin norma- (qanun)yaratma fəaliyyəti barədə də bilgi vermək lazımdır.

13.    Saytın texniki imkanları yaxşı olsa da bura bir abunə yazılışı da əlavə etmək zəruridir.