Azərbaycan Respublikası Nəqliyyat Nazirliyinin www.mot.gov.az domen ünvanlı İnternet resursu, icmaldan da göründüyü kimi, elə də zəngin sayt təsiri bağışlamır. Düzdür, burada bir sıra çox gərəkli bilgilər yer alıb, ancaq bunun yetərli olduğunu demək olmaz. Ancaq o da nəzərdən qaçmamalıdır ki, saytın üzərində bir az da işləyib onu daha təkmil hala gətirmək mümkündür. Beləliklə, bu istiqamətdəki tövsiyələrimizi aşağıda təklif edirik:
1. Yaxşı olardı ki, quruma daha öncə də başçılıq etmiş şəxslər barədə bilgi verilsin.
2. Ziyarətçilərin əks əlaqəsini daha da asanlaşdırmaq üçün burada qurumun ünvanının marşrut və sxemi, həmçinin ictimai nəqliyyat imkanları haqqında bilgi verilməsi gərəklidir.
3. Qurumun strukturunun sxemini də ziyarətçilərə təqdim etmək lazımdır. Eyni zamanda struktur bölmələrinin ünvanları və onların səlahiyyət çərçivələri barədə bilgi vermək gərəkdir.
4. Struktur bölmələri rəhbərlərinin biografik bilgiləri də saytda əks olunmalıdır.
5. Qurumun cari fəaliyyəti haqqında bölmədə qurumdaxili əmr və sərəncamlar, onların reyestri yer alarsa faydalı olar.
6. Ümumi dövlət büdcəsinin rəqəmlə ifadəsi və onun quruma aid ayrıntılarını da sayta əlavə etmək lazımdır.
7. Qurum tərəfindən təklif edilən xidmətlər bölməsini bir qədər də təkmilləşdirməyə gərək var.
8. İşə qəbul qaydaları və boş iş yerləri haqqında bilgi vermək lazımdır.
9. Sahə işçilərinin əmək haqları barədə bilgi verilməsi zəruridir.
10. Vətəndaşların qəbulu ilə bağlı bilgiləri bir qədər də təkmilləşdirib daha dolğun və aydın şəklə salmaq lazımdır.
11. Qurumun keçirdiyi tender və müsabiqələr haqqında bilgi vermək lazımdır.
12. Qurumun norma- (qanun)yaratma fəaliyyəti haqqında bilgilərin yoxluğuna heç cür haqqı qazandırmaq olmaz.
13. Saytın texniki imkanları sırasına abunəni də əlavə etməkdə fayda var.