Azərbaycan Respublikası Fövqəladə Hallar Nazirliyinin www.fhn.gov.az domen adlı İnternet saytının monitorinqinin yekunları /İCMAL/

Azərbaycan Respublikası Fövqəladə Hallar Nazirliyinin www.fhn.gov.az domen ünvanlı İnternet resursunda sahə ilə bağlı fövqəladə əhəmiyyətli informasiyalar yetərincədir. Bununla belə saytda başqa vacib informasiyaların çatışmadığı da gözdən qaçmır. Ümumi mənzərə elədir ki, ilk baxışdan saytın dolğun və zəngin olması barədə rəy yaranır. Ancaq ayrıntılı ziyarət sırasında bu zənginliyin elə də çox olmadığı aşkar olunur. Beləliklə, nazirliyin saytında gördüklərimiz:

1. Qurumun özü ilə bağlı informasiyalar demək olar ki, yetərincədir.

2. Ziyarətçilərin əks əlaqəsi üçün ünvan və telefon tez nəzərə çarpan şəkildə təqdim edilir. Ancaq nəyə görəsə saytda e-poçt ünvanları baxımından qıtlıqdır.

3. Qurumun ünvanının marşrut və sxemi verilmir. Üstəlik bura gəlmək üçün ictimai nəqliyyat imkanları haqqında bilgi yoxdur.

4. Qurumun strukturu, demək olar ki, tam əhatə olunub.

5. Rəhbərlər haqqında verilən biografik bilgilər yetərli deyil. Struktur bölmələri rəhbərləri haqqında isə ümumiyyətlə biografik bilgi verilmir.

6. Qurumun cari fəaliyyəti yaxşı əhatə olunub. Çatışmayan qurumdaxili əmr və sərəncamlar haqqında bilgidir.

7. Qurumun həyata keçirdiyi proqram və layihələr barədə də heç nə deyilmir.

8. Ümumi dövlət büdcəsinin rəqəmlə ifadəsi və onun quruma aid hissəsinin ayrıntıları verilmir.

9. Qurumun təklif etdiyi xidmətlər bölməsində də gözə dəyən bir şey yoxdur.

10. İşə qəbulla bağlı hər hansı bilgi verilmir.

11. Eyni hal sahə işçilərinin əmək haqları bölməsinə də aiddir.

12. Vətəndaşların qəbulu ilə bağlı norma və qaydalar verilməsə də qəbul günləri və qəbula yazılmaq üçün telefon nömrələri təklif edilir.

13. Tender və müsabiqələr barədə heç bir bilgi yoxdur.

14. Qurumun norma- (qanun)yaratma fəaliyyəti də saytda əks olunmur.

15. Saytın texniki imkanları demək olar ki, yetərli sayıla bilər. Burada yalnız abunə imkanının təklif edilməməsi qüsur sayıla bilər.