Azərbaycan Respublikası Əmlak Məsələləri Dövlət Komitəsinin www.stateproperty.gov.az domen ünvanlı İnternet resursu ilk baxışdan özünün üstün məziyyətləri ilə diqqəti cəlb edir. Saytda bəzi funksionallıqlar və operativliyin olması onun başqalarından fərqlənməsinə səbəb olur. Ancaq o da yaddan çıxmamalıdır ki, saytın çatışmazlıqları da az deyil. Bu resursun ümumi mənzərəsi isə aşağıdakı kimi diqqətə çarpır:
1. Qurumun özü haqqında bilgilər yetərli sayıla biləcək həddədir. Ancaq quruma daha öncə başçılıq etmiş şəxslər barədə bilgi yoxdur.
2. Ziyarətçilərin əks əlaqəsi üçün ümumi imkanlar təqdim edilib. Ayrı-ayrı struktur bölmələri ilə əlaqə üçünsə imkan təklif edilmir. Üstəlik qurumun ünvanının marşrut və sxemi verilmir.
3. Qurumun strukturu haqqında heç bir bilgi yoxdur.
4. Rəhbər və rəhbər işçilər, struktur bölmələri rəhbərləri barədə heç bir biografik bilgi yoxdur.
5. Qurumun cari fəaliyyəti yetərli sayıla biləcək qədər işıqlandırılır. Ancaq qurumdaxili əmr və sərəncamlar, həmçinin onun həyata keçirdiyi proqram və layihələr barədə bilgi yoxdur.
6. Ümumi dövlət büdcəsinin rəqəmlə ifadəsi və onun quruma aid hissəsi haqqında heç bir bilgi yoxdur.
7. Qurum tərəfindən təklif edilən xidmətlər haqqında bir qədər seyrək də olsa bilgi verilib.
8. İşə qəbul qaydaları və boş iş yerləri haqqında bilgi üçün müvafiq dövlət strukturunun saytına keçid tövsiyə edilir.
9. Sahə işçilərinin əmək haqları barədə bilgi yoxdur.
10. Vətəndaşların qəbulu ilə bağlı yalnız qəbul günləri və saatları haqda bilgi var. Qəbul qaydaları və qəbuldan imtinanın əsasları haqqında heç nə deyilmir.
11. Tender və müsabiqələrlə bağlı elanlar verilsə də burada onların ümumi qaydaları ayrıca təsvir edilməyib.
12. Qurumun norma- (qanun)yaratma fəaliyyəti barədə heç bir bilgi yoxdur.
13. Saytın texniki göstəriciləri yetərli sayıla biləcək həddədir. Çatışmayan abunə imkanının yoxluğudur.