Azərbaycan Respublikası Bakı Şəhəri Nəsimi Bələdiyyəsinin www.nesimi.belediyye.az domen ünvanlı İnternet resursu, icmaldan da göründüyü kimi, uzun zamandır unudulub. Sayt yenilənməməklə bərabər orada olmalı bilgilərin hamısı yerində deyil. Ümumiyyətlə isə saytın texniki imkanları normal qiymətləndirilə bilər. Ancaq onun ciddi şəkildə təkmilləşdirilməsinə ehtiyac var. Bunu nəzərə alaraq aşağıda bəzi tövsiyələrimizi təqdim edirik:
1. Qurumun özü haqqında bilgilər sırasına ona daha öncə başçılıq etmiş şəxslər barədə bilgi əlavə edilməlidir.
2. Ziyarətçilərin əks əlaqəsi üçün həm də e-poçt ünvanı təklif etmək lazımdır.
3. Rəhbər və bələdiyyə üzvləri ilə ayrılıqda əlaqə imkanlarını göstərmək yaxşı olardı.
4. Qurumun cari fəaliyyəti haqqında bilgiləri operativ şəkildə təmin etmək lazımdır.
5. Saytın texniki imkanları sırasına abunə təklifi də əlavə etmək lazımdır.
6. Yerdə qalan bütün bəndlər (qurumun strukturu, büdcəsi, təklif etdiyi xidmətlər, əmək haqları, boş iş yerləri və işə qəbul, tender və müsabiqələr, norma yaradıcılığı, vətəndaşların qəbulu) üzrə də bilgi verilməsi zəruridir.