Azərbaycan Respublikası Bakı Şəhəri Nərimanov Bələdiyyəsinin www.narimanovbelediyyesi.az domen ünvanlı İnternet resursu, icmalda da qeyd edildiyi kimi, ilk baxışdan yaxşı təsir bağışlayır. Ancaq o da nəzərdən qaçmır ki, sayt xeyli dərəcədə kasaddır. Bununla belə demək lazımdır ki, saytın təkmilləşdirilmə imkanları da yox deyil. Onu nəzərə alaraq aşağıda saytın təkmilləşdirilməsi ilə bağlı bəzi tövsiyələrimizi diqqətə çatdırırıq:
1. Qurumun tarixi haqqında və ona daha öncə başçılıq etmiş şəxslər barədə bilgi çatışmazlığını aradan qaldırmaq lazımdır.
2. Ziyarətçilərin əks əlaqəsi üçün yalnız ümumi xarakterli əlaqə vasitələrinin göstərilməsi yetərli deyil. Buraya qurumun ünvanının marşrut və sxemi, həmçinin ora getmək üçün ictimai nəqliyyat imkanları haqqında bilgi də əlavə etmək lazımdır.
3. Qurumun struktur bölmələrinin rəhbərləri ilə əlaqə vasitələri haqqında bilgi verilməsi zərurdidir.
4. Rəhbər və struktur bölmələrinin rəhbərləri ilə əks əlaqə üçün özəl vasitələri nəzərə çatdırmaq lazımdır.
5. Qurumun cari fəaliyyətini də saytda əks etdirmək vacibdir. Həm də qurumdaxili əmr və sərəncamlar, qurumun həyata keçirdiyi proqram və layiəhələr barədə haqqında geniş bilgi verilməlidir.
6. Qurumun büdcəsi və onun icra durumu haqqında bilgiləri sayta əlavə etmək lazımdır.
7. Qurum tərəfindən təklif edilən xidmətlər və onların qiymətləri haqqında bilgiləri sayta əlavə etmək lazımdır.
8. Boş iş yerləri və işə qəbul qaydaları barədə də eyni fikri qeyd etmək olar.
9. Sahə işçilərinin əmək haqlarını saytda əks etdirmək lazımdır.
10. Vətəndaşların qəbul qaydaları və vaxtları barədə saytda bilgi verilməlidir.
11. Qurumun keçirdiyi tender və müsabiqələr haqqında da həmçinin.
12. Eyni söz qurumun norma- (qanun)yaratma fəaliyyətinə də aiddir.
13. Saytın texniki imkanları sırasına abunəni də əlavə etmək vacibdir.