www.justice.gov.az – Azərbaycan Respublikası Ədliyyə Nazirliyinin İnternet saytı

Ədliyyə Nazirliyinin İnternet saytı elə ilk baxışdan primitiv təsiri bağışlayır. Bununla belə bir sıra vacib informasiyaları burada tapmaq olar. Təbii ki, müasir İKT-nin üstün imkanlarından istifadə edilməməsi bu saytın da vətəndaşlar üçün sual doğurmayacaq səviyyədə hazırlanmamasına səbəb olub. Sadə HTML dilində hazırlanmış saytın elə əllə də idarə olunduğu bəlli olur. Nazirliyin telefon, faks nömrələri və e-poçt da daxil olmaqla ünvanı göstərilsə də bu əks əlaqənin ən effektli üsulu kimi qiymətləndirilə bilməz. Üstəlik bu saytda da abunə yazılma imkanları yoxdur. Ümumilikdə sayt aşağıdakı bölmələrdən ibarətdir:

• Əsas səhifə: son xəbərlərlə açılır
• Rəsmi xronika: rəsmi xəbərlər
• Nazirliyin fəaliyyəti: ƏN haqqında ümumiləşdirilmiş qısa bilgi
• Ədliyyə tarixi: Azərbaycanda ƏN-in qurulması haqqında qısa bilgi
• Nazirliyin rəhbərliyi: ədliyyə naziri və onun iki müavinin biografiyasına keçid
• Kollegiya: burada sadəcə ədliyyə nazirinin kollegiyanın qurulması haqqında 23 iyun 2004-cü il tarixli əmri yer alıb
• Nazirliyin strukturu: burada nazirliyin strukturunu əks etdirən sxem verilib
• Beynəlxalq hüquq əməkdaşlığı: bu səhifədə ƏN-də beynəlxalq və xarici nümayəndələrlə keçirilən bir neçə görüş haqqında xəbər yer alıb
• Əhaliyə hüquqi yardım: regional hüquq mərkəzləri, notariat və VVADQ organlarının fəaliyyəti haqqında bilgi
• Hüquqi şəxslərin dövlət qeydiyyatı: hüquqi şəxslərin dövlət qeydiyyatı qaydaları
• Ədliyyə Nazirliyi mətbuat səhifələrində: ƏN haqqında qəzetlərdə gedən məlumatlar. Elə də zəngin deyil
• Nazirliyin nəşrləri: nazirliyin nəşr etdirdiyi bir qəzet, iki jurnal və iki bülleten haqqında qısa bilgi
• Əlaqə: burada nazirliyin ünvanı, telefon və faks nömrəsi, e-poçt ünvanı verilib
• Məhkəmə və ədliyyə sistemi: məhkəmə və ədliyyə sistemi barədə qisa məlumat
• Qanunvericilik: bəzi qanun, sərəncam və fərmanlar. Zəngin sayılmaz
• İnsan hüquqları: insan hüquqları ilə bağlı bir neçə beynəlxalq sənəd
• Arxiv: üç bölmədən – rəsmi xronika, beynəlxalq hüquq əməkdaşlığı və ƏN mətbuat səhifələrində – ibarətdir. Xüsusi zənginliyi yoxdur.