Azərbaycan TV və Radio Verilişləri QSC-nin www.aztv.az domen adlı İnternet saytı, icmaldan da göründüyü kimi özünün funksionallığı və interaktivliyi baxımından ciddi şəkildə axsamaqdadır. Həm də informasiya təminatı baxımından saytın nəinki geridə qaldığı, ümumiyyətlə bu istiqamətdə heç bir bilginin olmadığı söylənə bilər. Saytda ölkə və dünya gündəminə aid ən yeni xəbərlər olsa da qurumun özü haqqında heç bir cari informasiyanın verilməməsi təəccüb doğurmaya bilməz. Bütün bunlarla bərabər bu resursun təkmilləşdirilmə imkanları yox deyildir. Ona görə də aşağıda bəzi tövsiyələrimizi təqdim edirik.
1. Qurum haqqında bilgilərə ona bu vaxtadək başçılıq etmiş şəxslər barədə, qanunverici baza, hakimiyyət qolunda yeri və səlahiyyət çərçivələri haqda da bilgilərin daxil edilməsi tövsiyə olunur.
2. Ziyarətçilərin əks əlaqəsini yaxşılaşdırmaq üçün qurumun yerləşdiyi yerin marşrut və sxemi, ora getmək üçün ictimai nəqliyyat haqqında da bilgi verilməsi gərəklidir.
3. Qurumun struktur vahidlərinin sxemini, struktur vahidlərinin ünvanları və əlaqə vasitələri barədə bilgilərin təqdim edilməsi faydalı olardı.
4. Struktur vahidlərinin rəhbərləri haqqında bioqrafik bilgilər və onlarla əlaqə vasitələri göstərilməlidir.
5. Cari informasiyalar məsələsində saytın çevik hala gətirilməsi vacibdir.
6. Büdcə ilə bağlı məsələlər haqqında informasiyaların saytda yer alması tövsiyələr sırasındadır.
7. Qurumun təklif etməli olduğu əlavə xidmətlər, pullu xidmətlər və onlardan istifadə yolları haqqında da bilgilər saytda öz əksini tapmalıdır.
8. Boş iş yerləri və işə qəbulla bağlı bilgilər isə təqdim edilməsi gərəkli olan informasiyalardandır.
9. Sahə işçilərinin əmək haqları barədə də eyni sözləri demək olar.
10. Vətəndaşların qəbul şərtləri və qəbul günləri (saatları) haqqında informasiyaların təqdim edilməsi gərəklidir.
11. Tender və yarışmalar haqqında bilgilərin işıqlandırılması tövsiyə olunur.
12. Yaxşı olardı ki, qurumunun norma- (qanun)yaratma fəaliyyəti saytda əks olunsun.
13. Saytın texniki imkanlarını normal saysaq da əslində onun funksionallığını artırmaq lazımdır. Həm də onlayn yazışma forması və abunə imkanı təqdim edilməlidir.