Azərbaycan Respublikası Konstitusiya Məhkəməsinin www.constcourt.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Konstitusiya Məhkəməsinin www.constcourt.gov.az domen adlı İnternet saytı, icmaldan da göründüyü kimi heç də yetərincə zəngin və funksional deyil. Bir çox bölmələr üzrə bilgilərin ümumiyyətlə olmadığı saytda ən adi texnoloji imkanlar da təklif edilmir. Hiss olunur ki, sayt sadəcə həvəskar səviyyədə tərtib edilib və onun çağdaş tələblərə cavab vermədiyi diqqətdən qaçıb. Bununla belə saytın təkmilləşdirilməsi üçün imkanlar da qalmaqdadır və məhz bunu nəzərə alaraq aşağıda bəzi tövsiyələrimizi təqdim edirik.

1. Qurum haqqında bilgilər bölməsinə ona daha öncə başçılıq etmiş şəxslər barədə də bilgilərin əlavə edilməsi gərəklidir.

2. Ziyarətçilərin əks əlaqəsini yaxşılaşdırmaq üçün qurumun ünvanının marşrut və sxemi, ora gəlmək üçün ictimai nəqliyyat barədə bilgilərin təqdim edilməsinə ehtiyac duyulur.

3. Qurumun strukturu haqqında ətraflı bilgilərin təqdim edilməsi tövsiyə olunur.

4. Rəhbər, rəhbər işçilər və onlarla əks əlaqə ilə bağlı bilgilər sırasına bütün struktur bölmələrinin rəhbərləri barədə bioqrafik bilgilər əlavə edilməli, həmçinin onlarla və qurumun rəhbəri ilə əks əlaqə üçün imkanlar təklif edilməlidir.

5. Cari informasiyalar məsələsində qurumdaxili əmr və sərəncamlar, onların reyestri, qurumun icra etdiyi proqram və layihələr barədə bilgilər də əlavə edilməlidir.

6. Büdcə ilə bağlı məsələlər haqqında saytda bilgi verilməsi faydalı olardı.

7. Dövlət qurumu tərəfindən təklif edilən xidmətlər haqqında bilgilərin verilməsi tövsiyə olunur.

8. Boş iş yerləri və işə qəbulla bağlı bilgilərin sayta əks etdirilməsi faydalı olardı.

9. Sahə işçilərinin əmək haqları barədə bilgilərin təqdim edilməsi tövsiyə olunur.

10. Yaxşı olardı ki, vətəndaşların qəbul şərtləri və qəbul günləri (saatları) barədə bilgilər təqdim edilsin.

11. Tender və yarışmalar haqqında bilgilərin də təqdim edilməsi tövsiyə olunur.

12. Eyni sözləri qurumun norma- (qanun)yaratma fəaliyyəti barədə də demək olar.

13. Saytın texniki imkanları sırasına abunə və onlayn yazışma imkanı da əlavə edilməlidir.