Azərbaycan Respublikası Dövlət Neft Şirkətinin www.socar.az domen adlı İnternet saytı, icmaldan da göründüyü kimi bir sıra göstəricilərinə görə yetərincə dolğun olsa da başqa bölmələr haqqında bunu demək olmaz. Sayt əslində funksionallıq baxımından yaxşı tərtib edilib. İnformasiya ilə işləmə baxımından da çevikdir. Ancaq əsas bilgilər çatışmır. Elə buna görə də saytın təkmilləşdirilməsinə ciddi ehtiyac var. Saytın təkmilləşdirilmə imkanlarını nəzərə alaraq aşağıda bir sıra tövsiyələrimizi diqqətə çatdırırıq.
1. Qurum haqqında bilgilərə ona daha öncə də başçılıq etmiş şəxslər barədə bilgilərin əlavə edilməsi tövsiyə olunur.
2. Ziyarətçilərin əks əlaqəsini yaxşılaşdırılması üçün quruma gəlmək üçün ictimai nəqliyyat barədə bilgi verilməsi zəruridir.
3. Qurumun struktur vahidləri haqqında sxematik bilgi verilməsi gərəklidir.
4. Rəhbər və digər rəhbər işçilər haqqında bioqrafik bilgilərin təqdim edilməsi yaxşı olardı.
5. Cari informasiyalar məsələsində saytda qurumdaxili əmr və sərəncamlar, onların reyestri barədə də bilgi verilməsi gərəklidir.
6. Şəffaflıq baxımından büdcə ilə bağlı məsələlər haqqında informasiyaların təqdim edilməsi yaxşı olardı.
7. Qurum tərəfindən təklif edilən xidmətlər barədə bilgilər təqdim edilməsi vətəndaşlar üçün gərəkli olan informasiyalardandır.
8. Boş iş yerləri və işə qəbulla bağlı bilgilərin də təqdim edilməsi tövsiyə olunur.
9. Sahə işçilərinin əmək haqları barədə eyni sözləri demək olar.
10. Vətəndaşların qəbulundan imtinanın əsasları və mübahisələrin həlli yolları barədə bilgilər də saytda yer almalısı faydalı olardı.
11. Tender və yarışmalar haqqında bilgilərin saytda əks olunması tövsiyələr sırasındadır.
12. Qurumun norma- (qanun)yaratma fəaliyyəti haqqında bilgilərin təqdim edilməsi gərəklidir.
13. Saytın texniki imkanları sırasına abunə və onlayn müraciət formasının da təqdim olunması zəruridir.