Azərbaycan Respublikası Milli Təhlükəsizlik Nazirliyinin www.mns.gov.az domen adlı İnternet saytının fəaliyyətinin təkminləşdirilməsi ilə bağlı TÖVSİYƏLƏR

Azərbaycan Respublikası Milli Təhlükəsizlik Nazirliyinin www.mns.gov.az ünvanlı İnternet saytı, icmaldan da anlaşıldığı kimi, bir çox göstəricilər üzrə daha yaxşı təşkil edilməsinin arzu olunması üçün yer qoyur. Saytda bir çox bölmələr üzrə bilgilər yerli-dibli yoxdur. Ən adi mətbuat üçün açıqlamalar isə çox köhnəlib. Bu qəbildən olan ən yeni bilgi 17 yanvar 2012-ci ilə aiddir. Büdcə, işə qəbul, tenderlər, əmək haqları kimi şəffaflığa xidmət edən bilgilər isə heç yoxdur. Bununla belə saytın imkanları onun təkmilləşdirilməsinin mümkün olduğunu göstərir. Ona görə də aşağıda bu saytın təkmilləşdirilməsi üçün bəzi tövsiyələrimizi təqdim edirik:

1.    Qurum haqqında bilgilər sırasına yaxşı olardı ki, kollegiya haqqında da bilgilər əlavə edilsin.  

2.    Ziyarətçilərin qurum ilə əlaqəsinin yaxşılaşdırılması baxımından telefon və faks nömrələri, e-poçt ünvanlarının daha ayrıntılı şəkildə təqdim edilməsi yaxşı olardı. Həm də qurumun ünvanının marşrut və sxemi, ora getmək üçün ictimai nəqliyyat barədə də bilgi verilməsi vacibdir.  

3.    Qurumun strukturu və aparat haqqında və regional bölmələr barədə bilgiləri təqdim edilməsi tövsiyə olunur.  

4.    Rəhbər və rəhbər işçilər onlarla əks əlaqə imkanları barədə təqdim edilən məlumatlardan qurumun rəhbərinin bioqrafiyası ilə bərabər qurumun başqa rəhbər şəxsləri barədə də bioqrafik bilgilərin təqdim edilməsi yaxşı olardı. Həmçinin qurum ilə əks əlaqə üçün ümumi imkanların daha mükəmməl bir həddə çatdırılması tövsiyə olunur.

5.    Qurumun cari fəaliyyəti haqqında mətbuat üçün açıqlamaların daha aktual olması gərəklidir.

6.    Ümumi dövlət büdcəsinin quruma aid hissəsi və onun icrası barədə bilgilərin şəffaflıq baxımından təqdim edilməsi faydalı olardı.

7.    Qurum tərəfindən təklif edilən xidmətlər haqqında bilgilərin də təqdim edilməsinə ehtiyac var.

8.    Növbəti təqdim edilməsi gərəkli olan informasiyalar isə işə qəbul qaydaları və boş iş yerləri haqqında bilgilərdir.

9.    Sahə işçilərinin əmək haqları barədə bilgilərin təqdim edilməsi tövsiyələr sırasındadır.

10.    Təqdim edilməsi vacib olan bilgilərdən biri də vətəndaşların qəbul şərtləri və qəbul günləri (saatları) haqqında olan bilgilərdir.

11.    Tender və yarışmaların keçirilməsi ilə bağlı bütün mümkün qayda və elanlar haqqında da yuxarıdakı sözləri demək olar.

12.    Dövlət qurumunun norma- (qanun)yaratma fəaliyyəti barədə bilgilərin verilməsi yaxşı olardı.  

13.    Saytın texniki imkanlarının yaxşılaşdırılması, onlayn müraciət formasının və abunə imkanlarının da təqdim edilməsi tövsiyələr sırasındadır.