09.06.2006
Multimedia İnformasiya Sistemləri və Texnologiyaları Mərkəzinin
Məlumatı
09 iyun 2006- cı il tarixdə Multimedia İnformasiya Sistemləri və Texnologiyaları Mərkəzi tərəfindən «Bələdiyyələrin informasiya açıqlığında İnformasiya əldə etmək haqqında Qanunun rolu» mövzusunda Dəyirmi Masa keçirilib. Dəyirmi Masa ACİ-Yardım Fondu tərəfindən dəstəklənən «Bələdiyyələrin informasiya açıqlığı və vətəndaşların informasiya azadlığının gerçəkləşməsinə dəstək» Layihəsi çərçivəsində həyata keçirilir.
Dəyirmi Masada Multimedia Mərkəzinin direktoru, Layihənin rəhbəri Osman Gündüzün, Layihənin expertləri Ələsgər Məmmədlinin və Vüqar Tofiqlinin mövzu ətrafında təqdimatları olub.
Dəyirmi Masada QHT liderləri Sahib Məmmədov, Anar Məmmədli, Eldar İsmayılov, Ədliyyə Nazirliyinin Hüquq-Tədris Mərkəzinin direktor əvəzi İlham Abbasov, RİTN-nin şöbə müdirləri Bəxtiyar Məmmədov və Əflatun Məmmədov, Ombudsman aparatının nümayəndəsi Aydın Səfirxanlı, Nərimanov Bələdiyyəsinin Komissiya sədri Ələddin Əsgərov, Nəsimi Bələdiyyəsinin sədri Əziz Axundov, Binəqədi Bələdiyyəsinin sədr müavini Saleh Məmmədov, Patamdar Bələdiyyəsinin Komissiya sədri Ramiq Mustafayev , İnformasiya Texnologiyalari İnstitutunun əməkdaşı Aygün Əhmədova, expert Azər Həsrət və digərləri çıxış ediblər.
Çıxışlarda Yeni Qanunun Bələdiyyələr üzərinə qoyduğu vəzifələrin gerçəkləşdirilməsi, bələdiyyələr və vətəndaşların qarşılıqlı münasibətlərinin qurulmasında informasiya texnologiyalarının rolu ətrafında müzakirələr aparılıb.
Müzakirələr zamanı informasiya və informasiya texnologiyaları sahəsində dünyada və ölkədə gedən proseslər nəzərdən keçirilmiş , bələdiyyələrdə informasiya işinin qurulmasında daha səmərəli və effektiv formalardan istifadənin zəruriliyi qeyd edilib. Bələdiyyə üzvləri və qulluqçuları arasında İKT ilə bağlı Treninqlərin keçirilməsinin vacibliyi vurğulanıb. Çıxış edənlər bu istiqamətdə «Elektron Bələdiyyə» Dövlət Proqramının qəbul edilməsinin vacibliyini vurğulayıblar. Çıxışlarda Qanunun reallaşdırılması ətrafında səmərəli Təkliflər irəli sürülüb.
Dəyirmi Masada bələdiyyələrin və müvafiq hökumət qurumlarının nümayəndələri, müstəqil ekspertlər, özəl və ictimai sektorun təmsilçiləri, beynəlxalq təşkilatların nümayəndələri iştirak edib.
Multimedia Mərkəzi
Tel: 492 44 44