Kəlbəcər Rayon İcra Hakimiyyəti www.kelbecer-ih.gov.az domen adlı İnternet saytının monitorinqinin yekunu /İCMAL/

Azərbaycan Respublikası Kəlbəcər Rayon İcra Hakimiyyəti  www.kelbecer-ih.gov.az İnternet resursundan rayon haqqında qismən məlumat almaq mümkündür. Rayonun tarixi, əhalisi, təhsili, mədəniyyəti, səhiyyəsi və idmanı haqda məlumatlar genişdir. Rəhbər işçilərin nəinki sabit telefonal yanaşı, mobil telefon nömrələrinin də saytda olmasını yüksək qiymətləndirmək olar.

İşğal alında olan rayonun internet resursunda “Rayonun işğalı” adlı bölmə olsa da, buradan nə rayonun işğalı, nə şəhidləri, nə də Milli Qəhrəmanları haqda heç bir məlumat almaq mümkün deyil. Bölmə boşdur. Xəbərlər bölməsini də qənaətbəxş hesab etmək olmaz, informasiyaların yenilənməməsi diqqət çəkir. Bundan əlavə iqtisadiyyat bölməsində informasiya yoxdur, rayonun cografi mövqeyi haqda məlumat isə azdır.  Elektron xidmətlər, bank bölmələri də boşdur.

Beləliklə, Kəlbəcər Rayon İcra Hakimiyyəti saytinın ümumi mənzərəsi aşağıdakı kimidir:

1.  Rayonun tarixi, təhsili, səhiyyəsi, mədəniyyəti, idmanı haqqındakı bilgiləri yararlı hesab etmək olar. Qurumun rəhbəri haqqında verilmiş  məlumatlar qənaətbəxşdir. Rayonun əhalisi, iqtisadiyyatı haqdakı bilgi isə çox azdır. Qurumun tarixi, quruma daha öncə başçılıq etmiş şəxslər barədə məlumat, qurumunun fəaliyyətini təmin edən qanunverici baza, qurumun səlahiyyət çərçivələri barədə də məlumat verilmir.

2.  Əhalinin əlaqəsi üçün qurumun ünvanı, telefon və faks nömrəsi, e-poçt ünvanı verilir, birbaşa əhalini qəbul edəcək rəhbər işçilərin telefon nömrələri saytda öz əksini tapıb. Amma quruma başqa yerlərdən getmək üçün marşrut və ictimai nəqliyyat haqqında məlumatlara da rast gəlinmir.

3.  Saytda qurumun strukturu haqqında sxem və müavinlər haqqında mə­lumatlar, onların hamısının əlaqə nəmrələri var.  Struktur bölmələrinin səlahiyyət çərçivələri, qurumun tabeli­yindəki informasiya sistemləri haqqında məlumatlar isə saytda öz əksini tapmır.

4.  Qurumun rəhbəri və ayrı-ayrı struktur bölmələrinin rəhbərləri ilə əks əlaqə imkanları haqqında bilgilər təqdim edilir. Lakin bütün mümkün struktur bölmələrinin rəhbərləri haqqında bioqrafik bilgilər yoxdur.

5.  Cari informasiyalar baxımından sayt zəngin sayıla bilməz. Monitorinq apardığımız müddətdə saytdakı sonuncu informasiya cari ilin iyun ayına aiddir. Qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə də heç bir bilgi təqdim edilmir.

6.   Qurumun büdcəsi, büdcənin  icrası haqqında,  büdcədənkənar daxil­olmalar və onların istiqamətləri barədə informasiyalara da saytda rast gəlmək olmur.

7.  Qurumun təklif etməli olduğu mütləq və əlavə xidmətlər  haqqında da heç bir bilgi yoxdur. Burada yalnız onlayn müraciət imkanı təqdim edilir.

8.   Boş iş yerləri və işə qəbulla bağlı (qurum və onun struktur böl­mələrinə işə qəbulun hüquqi bazası, işə qəbulun norma və qaydaları,  işə qəbulla bağlı komissiyalar haqqında, qurum  və onun struktur bölmələrindəki mövcud boş iş yerləri haqqında elanlar və elanların arxivi) məlumatlar da təqdim edilməyən bilgilər sırasındadır.

9.   Qurumun işçilərinin əmək haqları ilə bağlı heç bir məlumat verilmir.

10.  Vətəndaşların qəbulu ilə bağlı rəhbər və ayrı-ayrı vəzifəli şəxsləri tərəfindən vətəndaşların qəbul günləri və saatları barədə bilgilər var. Burada hətta vəzifəli şəxslərin əlaqə nömrələrinə də rast gəlinir. Amma rəhbər işçilər və tərəfindən vətəndaşların qəbul norma və qaydaları, nə də qurumda vətəndaşların qəbul qaydaları haqqında bilgilər təqdim edilmir.

11.  Tender və yarışmalar haqqında hər hansı bilgiyə rast gəlinmir.

12.  Saytın texniki imkanları normal səviyyədədir. Onlayn müraciət forması təqdim olunsa da,  abunə imkanı yoxdur.