Göyçay Rayon İcra Hakimiyyəti www.goychay-ih.gov.az domen adlı İnternet saytının monitorinqinin yekunu /İCMAL/

Azərbaycan Respublikası Göyçay Rayon İcra Hakimiyyətinin   www.goychay-ih.gov.az domen adlı  İnternet resursu ilkin görünüş olaraq normal görünsə də, informasiyalar baxımından və bir sıra bölmələr üzrə bilgi kasadlığı baxımından diqqət çəkir. Bir çox bölmələrin boş olması və təqdim edilməsi gərəkli olan bilgilərin olmaması gözdən qaçmır. Saytın ümumi mənzərəsi aşağıdakı kimidir.

1.    Rayon haqqındakı bilgilər demək olar ki, yox səviyyəsindədir.  Qurum rəhbəri haqqında verilmiş  məlumatı da belə qiymətləndirmək olar.  İcra hakimiyyəti bölməsində qurumun tarixi, quruma daha öncə başçılıq etmiş şəxslər  barədə məlumat verilmir.  Qurumunun fəaliyyəti,  şura, bələdiyyələr haqda az miqdarda informasiya olsa da, electron müraciətlər, electron xidmətlər barədə isə heç bir məlumat verilmir.

2.    Rəhbər işçilərin ziyarətçilərlə əks əlaqəsi üçünin qəbul günləri və saatları göstərilsə də, qurumun ünvanı, telefon və faks nömrələri, e-poçt ünvanları,  quruma başqa yerlərdən getmək üçün marşrut və ictimai nəqliyyat haqqında məlumatlara rast gəlinmir.

3.    Qurumun strukturu haqqında sxem və müavinlər haqqında məlumatlar, onlala əlaqə nəmrələri olsa da,  struktur bölmələrinin səlahiyyət çərçivələri, qurumun tabeliyindəki informasiya sistemləri haqqında məlumatlar saytda öz əksini tapmır.

4.    Qurumun rəhbəri və ayrı-ayrı struktur bölmələrinin rəhbərləri ilə əks əlaqə imkanları haqqında qısacada olsa bilgilər təqdim edilir. Lakin bütün mümkün struktur bölmələrinin rəhbərləri haqqında bioqrafik bilgilər yoxdur.

5.    Cari informasiyalar baxımından da sayt zəngin sayıla bilməz. Təqdim edilmiş ən son məlumatlar cari ilin sentyabr  ayına aidd olsa da, ondan əvvəlki informasiya iyul ayına aiddir. Qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə də heç bir bilgi təqdim edilmir.

6.    Qurumun büdcəsi, büdcənin  icrası haqqında,  büdcədənkənar daxilolmalar və onların istiqamətləri barədə informasiyalar da saytda yoxdur.

7.    Qurumun təklif etməli olduğu mütləq və əlavə xidmətlər  haqqında da heç bir bilgi yoxdur. Burada yalnız onlayn müraciət imkanı təqdim edilir.

8.    Boş iş yerləri və işə qəbulla bağlı (qurum və onun struktur bölmələrinə işə qəbulun hüquqi bazası, işə qəbulun norma və qaydaları,  işə qəbulla bağlı komissiyalar haqqında, qurum  və onun struktur bölmələrindəki mövcud boş iş yerləri haqqında elanlar və elanların arxivi) məlumatlar da təqdim edilməyən bilgilər sırasındadır.

9.    Qurumun işçilərinin əmək haqları ilə bağlı heç bir məlumat verilmir.

10.    Vətəndaşların qəbulu ilə bağlı yalnız rəhbər və ayrı-ayrı vəzifəli şəxsləri tərəfindən vətəndaşların qəbul günləri və saatları barədə bilgilər var. Burada nə vəzifəli şəxslər tərəfindən vətəndaşların qəbul norma və qaydaları nə də, qurumda vətəndaşların qəbul qaydaları haqqında bilgilər təqdim edilmir.

11.    Tender və yarışmalar haqqında hər hansı bilgiyə rast gəlinmir.

12.    Saytın texniki imkanları normal səviyyədədir. Onlayn müraciət forması təqdim olunsa da,  abunə imkanı yoxdur.