Azərbaycan Meliorasiya və Su Təsərrüfatı Açıq Səhmdar Cəmiyyətinin rəsmi internet resursu: www.mst.gov.az domen adlı İnternet saytının monitorinqinin yekunu /İCMAL/

Azərbaycan Meliorasiya və Su Təsərrüfatı Açıq Səhmdar Cəmiyyətinin rəsmi internet resursu:www.mst.gov.az ünvanlı internet saytı hazırlıq ərəfəsində olduğu üçün tam dolğun deyil. Ona görə də, saytın bir çox bölmələri boşdur. Qurumun e-xidmətlər bölümünün ayrıca təqdim edilməsi təqdirəlayiq haldır. Sayt dolu olarsa zəngin görünər. Saytın onlayn yazışma forması da təqdim edilmişdir. Qurumun saytında bir çox bölmələr hazırlansa da, həmin bölmələrin içi boşdur. Qurumun rəhbəri, onun müavinləri, aparat, kollegiya və struktur rəhbərləri haqda bioqrafik məlumatlar verilir. Qurumun büdcəsi haqqında heç bir məlumat verilmir. Bütövlükdə isə saytın durumu aşağıdakı kimidir:

 1. Qurum ilə bağlı təqdim edilmiş informasiyalar yetərli sayıla bilər.

 2. Ziyarətçilərin qurum ilə əlaqə saxlaması üçün ümumi imkanlar (qurumun yerləşdiyi ünvan, telefon və faks nömrələri, mümkün olan bütün e-poçt ünvanları) təqdim edilir. Burada yalnız quruma gəlmək üçün ictimai nəqliyyat haqqında bilgilər çatışmır.

 3. Qurumun strukturunun ümumi sxemi və qurumun tabeliyindəki informasiya sistemləri haqqında bilgilər tam şəkildə təqdim olunur. Digər bilgilər (aparat, qurumun alt bölmələri və regional strukturu, struktur bölmələrinin rəhbərləri və onlarla əlaqə saxlamaq üçün imkanlar, struktur bölmələrinin tam ünvanları və struktur bölmələrinin səlahiyyət çərçivələri) haqqında da müəyyən məlumat təqdim edilir.

 4. Rəhbər işçilər onlarla əks əlaqə, qurumun rəhbərinin bioqrafiyası, əks əlaqə imkanları təqdim edilir. Lakin struktur bölmələrinin rəhbərləri haqqında bioqrafik bilgilər yoxdur.

 5. Qurumun cari fəaliyyəti haqqında informasiyalar yetərli sayıla biləcək qədərdir.

 6. Təəssüf ki, ümumi dövlət büdcəsinin quruma aid hissəsi və onun icrası haqqında  bilgilər saytda əks etdirilmir.

 7. Qurum tərəfindən təklif edilən xidmətlər, elektron formada təklif olunan xidmətlər, xidmətlərin keyfiyyət göstəriciləri, onlayn müraciət imkanıöz əksini tapmışdır. Lakin qaynar xətt təqdim olunmur.

 8. İşə qəbul qaydaları və boş iş yerləri haqqında, işə qəbulun norma və qaydaları barədə heç bir bilgitəqdim edilmir.  İşə qəbulla bağlı komissiyalar haqqında, dövlət qurumu və onun struktur bölmələrindəki mövcud boş iş yerləri haqqında elanlar, boş iş yerləri haqqında elanların arxivi barədə bilgilər saytda əks olunmur.

 9. Sahə işçilərinin əmək haqları barədə də heç bir bilgilərə rast gəlinmədiyini söyləmək olar.

 10. Vətəndaşların qəbul şərtləri və qəbul günləri (saatları) barədə  ətraflı məlumatlar təqdim olunmuşdur.  Dövlət qulluqçusunun etika qaydaları haqqında bilgilər əks etdirilmir.

 11. Tender və yarışmaların keçirilməsi ilə bağlı heç bir qayda və elanlar  təqdim edilmir. Digər bilgilər – tenderlərin keçirilməsi ilə bağlı elanlar, tender və yarışmaların nəticələri, elanların arxivi və tender və yarışmaların nəticələri ilə bağlı mübahisələrin həlli qaydaları  barədə də  heç bir məlumat təqdim edilmir.

 12. Növbəti təqdim edilməyən bilgilər isə qurumun norma- (qanun)yaratma fəaliyyəti haqqındadır.

 13. Saytın texniki imkanları sırasında abunə imkanı da olsaydı yaxşı olardı. Sosial şəbəkələrdə isə səhifəsinin olmaması da diqqətdən qaçmır.