Yasamal Rayon İcra Hakimiyyəti www.yasamal-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Yasamal  Rayon İcra Hakimiyyəti  www.yasamal -ih.com domen adlı İnternet resursunun zəngin məlumatlarla yanaşı kasad məlumatların da zənginləşdirilməsi baxımından bəzi tövsiyələrimizi diqqətə çatdırırıq.

1.    Rayon haqqındakı bilgiləri qiymətləndirmək olar. Ancaq qurum haqqındakı bilgilər sırasına qurumun tarixi, quruma daha öncə başçılıq etmiş şəxslər barədə bilgilər və qurumun əsasnaməsi haqqında məlumatların təqdim edilməsi tövsiyə olunur.

2.    Ziyarətçilərin əks əlaqəsi üçün təqdim edilmiş qurumun ünvanı, telefon və faks nömrələri, e-poçt ünvanları ilə yanaşı qurumunun ünvanının marşrut və sxemi, quruma başqa yerlərdən getmək üçün marşrut və ictimai nəqliyyat haqqında bilgilərin də təqdim edilməsi tövsiyə olunur.

3.    Qurumun strukturu barədə isə struktur bölmələrinin səlahiyyət çərçivələri və struktur bölmələrinin dəqiq (tam) ünvanları haqqında bilgilərin verilməsi tövsiyə olunur.

4.    Rəhbər işçilər haqqında təqdim edilmiş bilgilər sırasına struktur bölmələrinin rəhbərləri haqqında bioqrafik bilgilərin də əlavə edilməsi tövsiyə olunur.

5.    Cari informasiyaların müntəzəm olaraq yerləşdirilməsi ilə yanaşı qurumdaxili əmrlər, sərəncamlar, qərarlar və rayonun ictimai-siyasi qurumları, media qurumları haqqında bilgilərin təqdim edilməsi tövsiyə olunur.

6.    Büdcə ilə bağlı bilgilərin saytda yerləşdirilməsi tövsiyə olunur.

7.    Qurum tərəfindən təklif edilən xidmətlər barədə yeganə təqdim edilmiş bilgi onlayn müraciət imkanıdır ki, bununla yanaşı  qurumun təklif etməli olduğu mütləq və əlavə xidmətlər, elektron formada təklif olunan xidmətlər və qaynar xətt barədə məlumatların da təqdim edilməsi tövsiyə olunur.

8.    Boş iş yerləri və işə qəbulla bağlı bilgilərin də saytda öz əksini tapması gərəklidir.

9.    Daha bir tövsiyə qurumun rəhbərliyinə daxil olan şəxslərin əmək haqları barədə bilgilərin saytda yerləşdirilməsi ilə bağlıdır.

10.    Vətəndaşların qəbul şərtləri və qəbul günləri (saatları) haqqında təqdim edilmiş bilgilər sırasına vəzifəli şəxslər tərəfindən vətəndaşların qəbul norma və qaydaları və qurumda vətəndaşların qəbul qaydaları barədə bilgilərin də əlavə edilməsi tövsiyə olunur.

11.    Tender və yarışmalar haqqında bilgilərin də təqdim edilməsi tövsiyyə olunur.

12.    Saytın texniki imkanlarının daha da inkişaf etdirilməsi abunə imkanının və sayt daxili axtarışın da əlavə edilməsi tövsiyə olunur.