Milli Bankın www.nba.az domen ünvanlı rəsmi internet saytının fəaliyyətinin təkmilləşdirilməsi ile bağlı TÖVSİYƏLƏR

Milli Bankın www.nba.az domen ünvanlı rəsmi internet saytının fəaliyyətinin təkmilləşdirilməsi ile bağlı
TÖVSİYELER

13 iyul 2007

İlk baxışdan görünür ki, Milli Bank öz rəsmi veb-saytını informasiya baxımından normal qurub. Qanunun tələblərinə uyğun olaraq analiz  apardıqda  görmək olur  ki,  saytda  bəzi  çatışmazlıqlar var. Aşağıda catışmazlıqları aradan qaldırmaq üçün bir sıra tövsiyələr VERİLİB

1. Milli Bankın cari fəaliyyəti haqqında xəbərlər bloku olmadığı üçün saytda belə bir bölmə yaradaraq və bankın gündəlik fəaliyyəti eləcə də bank fəaliyyətinə aid olan xəbərlərin gündəlik verilməsi internet istifadəçilərində Milli Bank haqqında geniş təsəvvür yaradardı.

2. Bankın ştat cədvəli, boş iş yerləri, işə qəbul üçün müsabiqə qaydaları, müsabiqənin yekunları haqqında məlumatlar qanunun tələblərinə uyğun olaraq saytda yerləşdirilməlidir.

3. Yaxşı olardı ki, bankın daxili əmr, sərəncam və qərarları haqqında da məlumatlar saytda öz əksini tapaydı.

4. Alqı-satqı əməliyyatı haqqında tender elanları olsa da konkret aparılmış alqı-satqının nəticələri haqqında məlumata rast gəlinmir. Ona görə belə məlumatın saytda verilməsi yaxşı olardı.

5. Milli Bankın əmək haqqı dərəcələri, əməyin ödənilməsinə dair təlimatlar, habelə əlavə haqların ödənilməsi qaydaları və xüsusi güzəştlər barədə məlumatlar sayta əlavə olunsa daha faydalı olardı.

6. Tövsiyə olunur ki, saytda bankla əlaqəli  dövlət sirri təşkil edən məlumatların siyahısı yerləşdirilsin.

7. Saytda beynəlxalq müqavilələrlə və ya onların əsasında qəbul edilən normativ aktlarla müəyyənləşdirilən informasiyalar öz əksini tapmayıb. Belə informasiyanın verilməsi ümumi marağa səbəb olardı.

8. Sual, təklif və sorğuların icmalı verilsə vətəndaşları maraqlandıran məsələnin həllinə daha da kömək etmiş olardı.

9. Online xidmətləri təşkili, forum blokunun yaradılması yaxşı olardı.