Cəlilabad Rayon İcra Hakimiyyəti www.celilabad-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Cəlilabad Rayon İcra Hakimiyyəti  www.celilabad-ih.gov.az domen adlı İnternet saytında ötən ildə olduğu kimi bu il də məlumat baxımından çox çatışmazlıqlar var. Bu çatışmazlıqların aradan qaldırılmasına kömək məqsədilə  tövsiyələrimizi diqqətə çatdırırıq.

1.    Rayon haqdakı məlumatları dolğunlaşdırmaq tövsiyyə olunur. Saytda qurumun özü haqqında, quruma daha öncə başçılıq etmiş şəxslər haqqında, qurumunun fəaliyyətini təmin edən qanunverici baza haqqında, qurumun səlahiyyət çərçivələri və hakimiyyət qolunda yeri haqda bilgilərin əlavə edilməsi də tövsiyə olunur.

2.    Ziyarətçilərin əks əlaqəsini daha da uyğun bir hala gətirmək baxımından rəhbər işçilərin qəbul günləri, qəbul saatları ilə yanaşı,  onlarla əlaqə nömrələri, qurumun yerləşdiyi ünvanın sxemi, quruma başqa yerlərdən getmək üçün marşrut və ictimai nəqliyyat haqqında bilgilərin təqdim edilməsi tövsiyə olunur.

3.   İcra Hakimiyyətinin strukturu haqqında sxem və müavinlər adları qeyd olunsa da, onların haqqında məlumatlar, struktur bölmələrinin dəqiq (tam) ünvanları,  struktur bölmələrinin səlahiyyət çərçivələri, qurumun tabeliyindəki informasiya sistemləri haqqında məlumatların təqdim edilməsi də faydalı olardı.

4.   Rəhbər, rəhbər işçilər və onlarla əks əlaqələrin də saytda yerləşdirilməsi yaxşı olardı. Qurumun  rəhbəri, rəhbər işçiləri və onlarla əks əlaqələr baxımından, bütün mümkün struktur bölmələrinin rəhbərləri haqqında bioqrafik bilgilərin təqdim edilməsi, qurumun rəhbəri və ayrı-ayrı struktur bölmələrinin rəhbərləri ilə əks əlaqə imkanları haqqında təqdim edilmiş qısaca bilgilərin də dolğunlaşdırılması tövsiyə olunur.

5.  Cari informasiyaların tez-tez  yenilənməsi tövsiyə olunur. Qurumdaxili əmr və qərarların, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə bilgilərin isə təqdim edilməsi də yaxşı olardı.

6.   Yaxşı olardı ki, büdcə ilə bağlı məsələlər haqqında saytda bilgi verilsin.

7.   Tövsiyyə olunur ki, qurumun təklif etməli olduğu mütləq və əlavə xidmətlər  haqqında bilgilər verilsin.

8.    Boş iş yerləri və işə qəbulla bağlı bilgilərin də saytda öz əksini tapması tövsiyə olunur.

9.    Yaxşı olardı ki, rəhbər, onun müavinlərinin və struktur bölmələri rəhbər işçilərinin əmək haqları haqqında saytda məlumat verilsin.

10.   Vətəndaşların qəbul şərtləri və qəbul günləri və saatları ilə yanaşı, həm vəzifəli şəxslər tərəfindən vətəndaşların qəbul norma və qaydaları, həm də  qurumda vətəndaşların qəbul qaydaları haqqında bilgilərin təqdim edilməsi tövsiyə olunur.

11.   Tender və yarışmalar haqqında bilgilərin təqdim edilməsi tövsiyyələr sırasındadır.

12.   Saytın texniki imkanlarının yaxşılaşdırılması və abunə imkanının da daxil edilməsi tövsiyyə olunur.