Şirvan Şəhəri İcra Hakimiyyəti www.shirvan-ih.gov.az domen adlı İnternet saytının monitorinqinin yekunu /İCMAL/

Azərbaycan Respublikası Şirvan Şəhəri İcra Hakimiyyəti www.shirvan-ih.gov.az İnternet resursunda şəhərin tarixi, təhsili, mədəniyyəti, səhiyyəsi, idmanı haqda verilən bilgilər yetərli, əhalisi, cografi mövqeyi, iqtisadiyyatı haqda bilgilər yetərsiz hesab olunur. İqtisadiyyat bölməsindəki hesabat 2013-cü ilə aiddir. Ümumilikdə saytdan şəhər haqqında məlumat almaq mümkündür. Saytda Prezidentin şəhərə səfərləri barədə məlumat almaq olar. Şəhərin “İşıq” qəzeti ilə də burdan tanış olmaq olar.  Amma bəzi bölmələr üzrə heç bir bilginin olmaması da diqqətdən qaçmır. Məsələn, deputatlar haqqında bölmə işləmir. Qurumun tarixi haqda məlumat olsa da, ona daha öncə rəhbərlik etmiş şəxslər barədə məlumat yoxdur. Qurumun rəhbəri haqda qısa bioqrafik məlumat olsa da, onun müavinləri, aparat, şura və struktur rəhbərləri haqda bioqrafik məlmatlar yoxdur. Saytın elektron xidmətlər bölməsi  boşdur. Qurumun  büdcəsi, işçilərin əmək haqları, etik davranış qaydaları, tender elanları, axtarış sistemi, işə qəbul qaydaları qurumdaxili əmrlər haqqında da heç bir məlumat təqdim edilmir. Xəbərlər bölməsi daim yenilənmir. Saytın sosial şəbəkələ də çıxışı yoxdur.

Bütövlükdə isə saytın durumu aşağıdakı kimidir:

1.  Şəhərin tarixi, təhsili, mədəniyyəti, səhiyyəsi, idmanı haqqındakı bilgiləri kifayət qədər hesab etmək olar, amma əhalisi, coğrafi mövqeyi, idmanı haqda verilən bilgilər yetərli deyil. İqtisadiyyat bölməsini tamammilə yeniləmək tövsiyə olunur. Qurumun qurumun rəhbəri haqqında verilmiş  məlumatlar da qənaətbəxş hesab etmək olmaz. Qurumun tarixi haqda bilgi olsa da, quruma daha öncə başçılıq etmiş şəxslər barədə məlumat, qurumunun fəaliyyətini təmin edən qanunverici baza, qurumun səlahiyyət çərçivələri barədə də saytda məlumat verilmir.

2.  Ziyarətçilərin əks əlaqəsi üçün qurumun ünvanı, telefon və faks nömrəsi, e-poçt ünvanı verilsə də, birbaşa əhalini qəbul edəcək rəhbər işçilərin telefon nömrələri saytda öz əksini tapmayıb. Sadəcə qəbul günləri və qəbul saatları göstərilir. Quruma başqa yerlərdən getmək üçün marşrut və ictimai nəqliyyat haqqında məlumatlara da rast gəlinmir.

3.  Qurumun strukturu haqqında sxem və müavinlər adları var, amma onlarla əlaqə kimi yalnız sabit telefon nömrələri göstərilir. Struktur bölmələrinin səlahiyyət çərçivələri, qurumun tabeli­yindəki informasiya sistemləri haqqında da məlumatlar saytda öz əksini tapmır.

4.  Qurumun rəhbəri barədə məlumat olsa da, onun müavinləri, struktur bölmələrinin rəhbərləri haqqında informasiya yoxdur. Onlarla əks əlaqə imkanları haqqında da bilgilər təqdim edilir. Bütün mümkün struktur bölmələrinin rəhbərləri haqqında bioqrafik bilgilər də yoxdur.

5.  Cari informasiyalar baxımından sayt zəngin sayıla bilər. Qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla) və dövlət qurumunun həyata keçirdiyi proqram və layihələr barədə isə heç bir bilgi təqdim edilmir.

6.   Saytda qurumun büdcəsi, büdcənin  icrası haqqında,  büdcədənkənar daxil­olmalar və onların istiqamətləri, subsidiya alanlar haqda informasiyalara da rast gəlmək olmur.

7.  Qurumun təklif etməli olduğu mütləq və əlavə xidmətlər  haqqında da heç bir bilgi yoxdur. Burada yalnız onlayn müraciət imkanı təqdim edilir.

8.   Boş iş yerləri haqda məlumat, işə qəbulla bağlı (qurum və onun struktur böl­mələrinə işə qəbulun hüquqi bazası, işə qəbulun norma və qaydaları,  işə qəbulla bağlı komissiyalar haqqında, qurum  və onun struktur bölmələrindəki mövcud boş iş yerləri haqqında elanların arxivi) məlumatlar da təqdim edilməyən bilgilər sırasındadır.

9.   Qurumun işçilərinin əmək haqları ilə bağlı heç bir məlumat verilmir.

10.  Vətəndaşların qəbulu ilə bağlı yalnız rəhbər və ayrı-ayrı vəzifəli şəxsləri tərəfindən vətəndaşların sadəcə qəbul günləri və  qəbul saatları barədə bilgilər var. Burada nə vəzifəli şəxslərin əlaqə nömrələri, nə onlar  tərəfindən vətəndaşların qəbul norma və qaydaları, nə də qurumda vətəndaşların qəbul qaydaları haqqında bilgilər təqdim edilmir.

11.  Tender və yarışmalar haqqında hər hansı bilgiyə rast gəlinmir.

12.  Saytın texniki imkanları internet resurslarının mövcud qaydalarına uyğun hesab edilə bilər. Lakin saytda abunə, axtarış imkanları gözə dəymir.