“İctimai informasiya subyektlərinin rəsmi internet resurslarının Monitorinqinin yekunları” mövzusunda Təqdimat mərasimi keçiriləcək.

07.05.2008

Multimedia
İnformasiya Sistemləri  və Texnologiyaları
Mərkəzinin

Məlumatı
 
     “İnformasiya  Azadlığının İnkişafı” Koalisiyası  və onun aparıcı qurumu olan Multimedia İnformasiya Sistemləri  və Texnologiyaları Mərkəzi tərəfindən
13 may  2008 – cı il  tarixdə , saat 11.00-da , BMM-də  “İctimai informasiya subyektlərinin rəsmi internet resurslarının Monitorinqinin yekunları” mövzusunda Təqdimat mərasimi keçiriləcək.
     Təqdimat mərasimində 50 dövlət qurumunun rəsmi internet resursunun ötən yarım il müddətində həyata keçirilən Monitorinqinin nəticələri açıqlanacaq. Dövlət  qurumlarının informasiya açıqlığı üzrə  Reytinq Cədvəli  təqdim olunacaq.
    Monitorinq İnformasiya azadlığı sahəsində mövcud qanunvericilik və beynəlxalq normalar nəzərə alınmaqla Koalisiya tərəfindən hazırlanan Metodika əsasında gerçəkləşdirilib.
     Dəyirmi  Masada ictimai əhəmiyyətli informasiyaların yayılması  sahəsində mövcud  vəziyyət  və problemlər, dövlət  qurumlarının internet  resurslarının  bu sahədəki rolu ətrafında  müzakirələr  aparılacaq.    
     Dəyirmi Masada hökumət qurumlarının nümayəndələri, müstəqil ekspertlər, özəl və ictimai sektorun təmsilçiləri, beynəlxalq təşkilatların nümayəndələrinin iştirakı nəzərdə tutulur.
      Tədbir Counterpart İnternational təşkilatı tərəfindən dəstəklənən “Vətəndaşların informasiya  azadlığının gerçəkləşməsinə dəstək” Layihəsi çərçivəsində keçirilir.

Multimedia Mərkəzi
Tel: 492 44 44 
www.informasiya.org 
info@informasiya.org