www.azfen.com – AZFEN Birgə Müəssisəsinin İnternet saytı

Bu saytın 2002-ci ildə hazırlandığı və o vaxtdan yenilənmədiyi qənaəti hasil olur. Çox ibtidai səviyyədə olan saytda qeyri-standart Azərbaycan şriftindən istifadə edildiyi üçün indiki kompüterlərin onu oxumasında problem yaranır. Bununla belə anlaya bildik ki, bu sayt neft və qaz sənayesində inşaat-mühəndislik işləri ilə məşğul olan bir quruma aiddir. Saytda axtarış və e-poçtla abunə imkanları yoxdur. Sadəcə aşağıdakı bölmələr yer alıb:

• Giriş: ümumi bilgi
• Xidmətlər: burada müəssisənin göstədiyi məsləhət, mühəndislik, təchizat, yoxlama və s. xidmətlər haqqında bilgilər toplanıb
• Layihələr: müəssisənin icraatında olan layihələr haqqında bilgilər
• Mükafatlar: müəssisənin qazandığı mükafatlar haqqında. Sonuncu mükafatın 2000-ci ildə alındığı qənaəti hasil olur
• Səhnə: müəssisənin fəaliyyətini əks etdirən mənzərələr
• Əlaqə: baş direktorun müavininin telefon, faks nömrələri və ümumi e-poçt ünvanı

Göründüyü kimi bu müəssisənin İnternet saytı zəmanədən xeyli geri qalır və standartlara heç cür cavab vermir.