Bakı Metropoliteninin www.metro.gov.az domen adlı İnternet saytının monitorinqinin yekunu /İCMAL/

Bakı Metropoliteninin www.metro.gov.az domen ünvanındakı İnternet resursu, kiçik araşdırmadan sonra, 2001-ci ildə və ya ondan öncə qurulmuşa bənzəyir. Çünki saytdakı son xəbər həmin ilə aiddir. Bundan başqa, saytda stansiyaların sxemi də köhnədir. Misal üçün, “İçəri şəhər” stansiyası “Bakı Soveti” adı ilə verilir. Üstəlik yeni stansiyalar haqqında da bilgi yoxdur. Ümumilikdə isə saytda elə də bilgi əldə etmək olmur. Burada Metropolitenin tarixi, stansiyaların şəkilləri, xəritə və əlaqə bölməsi, bir də ana səhifədə xəbərlər var. Başqa heç bir bilgisi olmayan sayt həm də texniki cəhətdən çox ibtidai şəkildə qurulub.