Multimedia Mərkəzi dövlət qurumlarının rəsmi internet resurslarının monitorinqinə başlayıb.

Multimedia  Mərkəzinin
Məlumatı
Multimedia Mərkəzi  dövlət qurumlarının rəsmi internet resurslarının monitorinqinə başlayıb. Məlum olduğu kimi Mərkəz 2006-cı ildən başlayaraq sistemli və peşəkar formada dövlət qurumlarının informasiya açıqlığı  vəziyyətini araşdırır və müvafiq Hesabatlar və dövlət qurumlarının  informasiya açıqlığı üzrə Reytinq Cədvəli tərtib edir.
Bu il həyata keçiləcək Monitorinq prosesində yerli icra hakimiyyəti orqanlarının da rəsmi resurslarının açıqlıq və şəffaflıq vəziyyəti araşdırılacaq.  Həmçinin bu ilki Monitorinq prosesində  eyni anda dövlət qurumları tərəfindən elektron formada xidmət göstərilməsinə hazırlıq vəziyyəti,  eyni zamanda hazırda elektron formada təqdim olunan xidmətlərin də keyfiyyəti və əldə olunma vəziyyəti də Monitorinq olunacaq.
Monitorinq prosesi “İctimai informasiya subyektlərinə məxsus ictimai  informasiyaların açıqlanması  vəziyyətinin Monitorinqi” Layihəsi çərçivəsində həyata keçirilir.   
Dövlət qurumlarının informasiya açıqlığı  vəziyyətini müəyyən etmək üçün aparılan Monitorinq ölkə qanunvericiliyi  və  beynəlxalq  təcrübə nəzərə  alınmaqla Multimedia Mərkəzi tərəfindən hazırlanan  Metodika əsasında  gerçəkləşdirilir.  Yerli icra hakimiyyəti orqanlarının Monitorinqi məqsədilə hazırlanan metodikada yerli icra orqanlarına xas olan spesifik xüsusiyyətlər nəzərə alınıb.
Metodikada dövlət  qurumlarının rəsmi İnternet  resurslarında yerləşdirilən informasiyaların, xidmətlərin  kəmiyyət  və keyfiyyət  cəhətdən  analiz  edilməsi  və qiymətləndirilməsi nəzərdə tutulub.   
Yarım il müddətində davam edəcək Monitorinq əsasında konkret hər bir dövlət qurumunun rəsmi saytı üzrə  icmal  və tövsiyələrin hazırlanması, informasiya  açıqlığı üzrə Reytinq  Cədvəlinin və Yekun Hesabatın hazırlanması nəzərdə tutulub.
Elektron formada təqdim olunan xidmətlərlə bağlı ayrıca icmalın hazırlanması nəzərdə tutulub.
Bu ilki Monitorinq prosesində 65  Mərkəzi icra hakimiyyəti orqanları ( Nazirliklər, Dövlət Komitələri və s) və 60 rayon və şəhər icra hakimiyyətinin rəsmi internet resursunun informasiya açıqlığı vəziyyətinin araşdırılması, xidmətlərin elektron formada təqdim edilməsi ilə bağlı situasiyanın üzə çıxarılması nəzərdə tutulub.                                              
Multimedia Mərkəzi      
Tel: 492 44 44 
www.informasiya.org 
multimedia@cit.az

 

Click here to cancel reply.

Name :

Email :

Your Comment :