Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasının www.human.gov.az domen adlı İnternet saytının monitorinqinin yekunu /İCMAL

Azərbaycan Respublikası Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasının www.human.gov.az ünvanlı İnternet saytında demək olar ki, əksər bölmələr boşdur. Qurumun tarixi, rəhbərlik haqda bioqrafik bilgilər, quruma getmək üçün marşrut sxemi haqda heç bir bilgi verilmir. Həmçinin, aparat barədə, regional struktur, əsas rəhbərin bioqrafiyası barədə də bir məlumat yoxdur. Mətbuata açıqlama operativlikdən çox uzaqdır, qurumdaxili əmrlər, büdcə, büdcədənkənar daxilolmalar,  qaynar xətt, işə qəbul qaydaları, boş iş yerlərinin elanı, dövlət qulluqçusunun etik davranış qaydaları, tender və yarışmaların elanları, nəticələri, sosial şəbəkələrdə səhifələrinin yoxluğu o dəqiqə diqqəti cəlb edir. Bu isə təbii ki,sayt haqqında heç bir halda yüksək rəy söyləməyə imkan vermir. Ümumilikdə isə saytdakı durum aşağıdakı kimidir:

1. Qurum ilə bağlı informasiyalar təqdim edilsə də, qurumun tarixi haqda heç bir bilgi təqdim olunmur. Həmçinin qurum rəhbəri və struktur rəhbərləri barədə heç bir bilgiyə rast gəlinmir.

2. Ziyarətçilərin dövlət qurumu ilə əlaqə saxlaması üçün qurumun yerləşdiyi ünvan, ümumi xarakterli telefon və faks nömrələri və  e-poçt ünvanları verilsə də, quruma getmək üçün ictimai nəqliyyat barədə bilgi təqdim edilmir.

3.         Qurumun strukturunun sxemi və aparat barədə bilgi, regional bölmələr barədə, struktur bölmələrinin ünvanları və səlahiyyət çərçivələri barədə, qurumun tabeliyindəki informasiya sistemləri barədə məlumatlar əks etdirilmir.

4.         Rəhbər və rəhbər işçilər, onlarla əks əlaqə barədə yalnız elektron ünvan təqdim edilir. Burada nə rəhbər işçilər, nə onlarla əks əlaqə,nə də  rəhbər şəxslərin bioqrafiyaları barədə bilgilər əks etdirilmir.

5.         Qurumun cari fəaliyyəti haqqında informasiyalar, mətbuat üçün açıqlamalar mövcud olsa da, əvvəlki illərə məxsusdur. Qurumdaxili əmr və qərarlar, onların reyestri barədə bilgilərə də rast gəlinmir.

6.         Ümumi dövlət büdcəsinin quruma aid hissəsi və onun icrası haqqında heç bir bilgi təqdim edilmir.

7.         Dövlət qurumu tərəfindən təklif edilən xidmətlər barədə məlumat verilsə də, əlavə xidmətlər  və qaynar xətt barədə bilgilərə sart gəlinmir.

8.         Təəssüf ki, işə qəbul qaydaları və boş iş yerləri haqqında bilgilər də saytda yer almayıb.

9.         Sahə işçilərinin əmək haqları barədə də eyni sözləri demək mümkündür.

10.       Vətəndaşların qəbul şərtləri və qəbul günləri (saatları) barədə həmçinin dövlət qulluqçusunun etika qaydaları haqqında bilgilər natamam təqdim edilir. Vəzifəli şəxslər tərəfindən vətəndaşların qəbul norma və qaydaları barədə ümumi bilgi və dövlət qurumunda vətəndaşların qəbul qaydaları haqqında məlumatlar da natamamdır.

11.       Tender və yarışmaların keçirilməsi ilə bağlı qayda və elanlar haqqında heç bir bilgi  əks etdirilmir.

12.       Növbəti təqdim edilməyən məlumatlar dövlət qurumunun norma- (qanun)yaratma fəaliyyəti haqqındadır.

13.       Sayt texniki imkanlar baxımından pis deyil. Amma bölmələrin doldurulmasına ciddi ehtiyac var. Həmçinin saytda abunə imkanı və sosial şəbəkələrdə də səhifəsinin olmaması diqqətdən qaçmır.