Dövlət Sosial Müdafiə Fondunun www.sspf.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikasının Dövlət Sosial Müdafiə Fondunun  www.sspf.gov.az ünvanlı İnternet saytı, monitorinqdə də qeyd etdiyimiz kimi, çox geniş bilgi verir. Saytın texniki imkanları və funksionallığı da öz yerindədir. Bəzi bölmələr istisna olmaqla sayt demək olar ki, bir çox bölmələr üzrə dolğunluğu ilə fərqlənir. Sahənin rəhbər işçiləri haqda geniş bioqrafik bilgilərin, qurumun büdcəsinin, abunə və vətəndaşların qəbulu ilə bağlı prosedurların izahı, həmçinin dövlət qurumunun ünvanı, marşrut və sxemi, qurumun strukturu barədə geniş məlumatlar təqdim olunur. Tender və yarışmaların elanı, nəticələri, onlayn müraciət imkanı, Qaynar Xətt, Çağrı Mərkəzi, quruma getmək üçün ictimai nəqliyyat, rəhbər işçilərin tarif stavkası haqda da ətraflı bilgi verilir.

Beləliklə, bu resursun təkmilləşdirilməsi üçün bəzi tövsiyələrimizi təqdim edirik:

1. Qurumun barədə gərəkli bilgilər yetərli səviyyədə təqdim edildiyindən əlavə tövsiyə verilməsinə ehtiyac duyulmur.

2. Ziyarətçilərin qurum ilə əlaqə saxlaması üçün bütün imkanların təqdim edildiyində bu sahə üzrə də heç bir tövsiyəyə ehtiyac duyulmur.

3. Qurumun strukturu barədə sturukturun ümumi sxemi, aparat, struktur bölmələrinin rəhbərləri və onlarla əlaqə saxlamaq üçün imkanlar, struktur bölmələrinin dəqiq (tam) ünvanları, struktur bölmələrinin səlahiyyət çərçivələri, qurumun tabeliyindəki informasiya sistemləri  haqqında bilgilər təqdim edilmişdir. Bu baxımdan əlavə tövsiyəyə gərək duyulmur.

4. Rəhbər işçilər, onlarla əks əlaqələr, həmçinin rəhbərin və müavinlərinin bioqrafiyaları, struktur bölmələrinin rəhbərləri haqqında bioqrafik bilgilər, ayrı-ayrı struktur bölmələrinin rəhbərləri ilə əks əlaqə imkanlarının da əks etdirildiyini nəzərə alsaq bu sahədə də əlavə tövsiyə söylənilmir.

5. Qurumun cari fəaliyyəti haqqında gərəkli bilgilər təqdim edildiyi üçün tövsiyə söylənilmir.

6. Ümumi dövlət büdcəsinin quruma aid hissəsi və onun icrası, büdcədənkənar daxilolmalar və onların istiqamətləri barədə informasiyalar da saytda əks etidirldiyi üçün bu shədə də tövsiyəyə ehtiyac duyulmur.

7. Qurum tərəfindən təklif edilən xidmətlər barədə gərəkli bütün bilgilər ətraflı şəkildə əks etdirildiyindən  əlavə tövsiyə verilmir.

8. Növbəti tövsiyə söylənilməsinə ehtiyac olmayan bilgilər qövlət qurumu və onun struktur bölmələrinə işə qəbulun hüquqi bazası barədə təqdim edilmiş bilgilərdir.

9. Sahə işçilərinin əmək haqları barədə bilgilər də saytda yer aldığı üçün bu üzdən də tövsiyəyə gərək duyulmur.

10. Vətəndaşların qəbul şərtləri və qəbul günləri (saatları) barədə ümumi bilgi, dövlət qulluqçusunun etika qaydaları haqqında məlumatlar da təqdim olunan bilgilər sırasındadır. Bu üzdən də əlavə tövsiyəyə ehtiyac duyulmur.

11. Tender və yarışmaların keçirilmə qaydaları barədə çatışmayan yalnız tender və yarışmaların nəticələri ilə bağlı mübahisələrin həlli qaydaları haqqında bilgilərdir ki, bu bilgilərin təqdim edilməsi tövsiyə olunur.

12.  Qurumun norma- (qanun) yaratma fəaliyyəti haqda da bütün bilgiləe saytda əks etdirildiyindən əlavə tövsiyəyə lüzum görülmür.

13.  Saytın texniki imkanları, domen, istifadə rahatlığı yaxşıdır. Sayt mövcud internet qaydalarına uyğundur və sosial şəbəkələrdə səhifəsi mövcuddur. Lakin səhifənin dolğunlaşdırılmasına ehtiyac var.