Daxili İşlər Nazirliyinin www.mia.gov.az rəsmi internet saytının fəaliyyətinin təkmilləşdirilməsi ilə bağlı TÖVSİYƏLƏR

Daxili İşlər Nazirliyinin www.mia.gov.az   rəsmi internet saytının fəaliyyətinin təkmilləşdirilməsi ilə bağlı
TÖVSİYƏLƏR

29 avqust 2007
Daxili İşlər Nazirliyi www.mia.gov.az  domen adlı rəsmi internet saytının daha keyfiyyətli və qanunun tələb etdiyi standartlara cavab verməsi üçün  “İnformasiya Azadlığının İnkişafı” Koalisiyası tərəfindən bəzi tövsiyələr edilmişdir:

1. Xəbərlərin daha tez-tez  yeniləşdirilməsi  və həcminin artırılmasına ehtiyac  duyulur

2. Yaxşı olardı ki, öz sahəsində dövlət sirri təşkil edən məlumatların siyahısı saytda  əksini tapaydı.

3. Özünə  aid olan informasiya  resursları haqqında  məlumat verilməsi faydalı olardı

4. Aparılan alqı-satqı əməliyyatı və ya satınalmalar haqqında məlumatlar verilməyib.

5. Tenderə çıxarılacaq sahələr  haqqında məlumatların saytda göstərilməsi səmərəli olardı. Tenderlər haqqında ayrıca bölmə tərtib edilməli, tender elanları yerləşdirilməli, tender olmadıqda “Hazırda heç bir tender keçirilmir” elanı verilməlidir

6. Dövlət büdcəsindən verilmiş vəsaitin xərclənməsi haqqında hesabatlar, planda nəzərdə tutulmuş istiqamət üzrə xərclənmiş büdcə haqqında ətraflı statistik məlumatların nazirliyə aid hissəsinin icmalı və icrası haqqında bilgilər yer almalıdır. 

7. DİN tərəfindən təqdim edilən digər müxtəlif dövlət  xidmətlərinin də  elektron  formaya  çevrilməsinə daha  çox diqqət yetirilməsi faydalı olardı