Azərbaycan Respublikası Müəllif Hüquqları Agentliyinin www.copag.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Müəllif Hüquqları Agentliyinin www.copag.gov.az ünvanlı İnternet saytı müəyyən qədər dolğun və daha təkmil olması diqqəti cəlb edir. Üstəlik, saytda e-xidmətlərin verilməsi də onun üstünlüklərindən biridir. Bununla belə, saytda bir çox bölmələrin boş olması da müşahidə edilməkdədir. Məsələn, dövlət qurumuna gəlmək üçün marşrut və ictimai nəqliyyatın göstərilməməsi, qaynar xəttin olmaması, quruma işə qəbulun qaydaları, boş iş yerlərinin elanları, tenderlərin və hərracların keçirilməsi ilə bağlı elanlar, onların nəticələri haqda heç bir məlumat təqdim edilmir. Bütün bunları nəzərə alaraq aşağıda bu yöndə bəzi tövsiyələrimizi təqdim edirik:

1. Qurum ilə bağlı informasiyalar yetərli sayılacaq qədərdir. Bunun üçün də əlavə bir tövsiyəyə ehtiyac duyulmur.

2. Ziyarətçilərin qurum ilə əlaqə saxlaması üçün təqdim edilmiş bilgilər sırasına quruma gəlmək üçün ictimai nəqliyyat haqqında da bilgilərin daxil edilməsi nəticəsində bu bölmə dolğunlaşmış olar.

 3. Qurumun strukturunun ümumi sxemi, aparat işçilərinin hamısının bioqrafik bilgiləri təqdim edildiyi üçün əlavə tövsiyə verilmir.

 4. Rəhbər işçilər, onlarla əks əlaqə, rəhbərin bioqrafik bilgiləri və əks əlaqə imkanları barədə bilgilər təqdim edildiyi üçün əlavə tövsiyəyə gərək yoxdur.

 5. Qurumun cari fəaliyyəti haqqında təqdim edilən informasiyalar yetərli olduğundan əlavə bir tövsiyə verilmir.

 6. Yaxşı olardı ki, ümumi dövlət büdcəsinin quruma aid hissəsi və onun icrası barədə bilgilər saytda geniş əks etdirilsin.

 7. Qurum tərəfindən təklif edilən xidmətlər haqqında informasiyalar yetərli qədər təqdim edilir.

 8. Quruma işə qəbul qaydaları və boş iş yerləri haqqında  elanlar , elanların arxivi barədə bilgilərin verilməsi də tövsiyələr sırasındadır.

9. Sahə işçilərinin əmək haqları barədə bilgilər göstərildiyi üçün əlavə tövsiyyəyə ehtiyac duyulmur.

 10. Vətəndaşların qəbul şərtləri və qəbul günləri (saatları) barədə bilgilər ətraflı təqdim olunduğu üçün bu sahədə də əlavə tövsiyəyə ehtiyac yoxdur.

 11. Qurum tərəfindən tender və yarışmaların keçirilmə qaydaları barədəki bilgilərin yetərli sayıla biləcək həddə gətirilməsi və digər göstəricilər üzrə də bilgilərin verilməsi faydalı olardı.

 12. Qurumun norma- (qanun)yaratma fəaliyyəti barədə bilgilər əks etdirildiyi üçün əlavə tövsiyə verilmir.

 13. Saytın texniki imkanları sırasına  abunə imkanının da əlavə olunması sayəsində bu sahə dolğunlaşmış olar. Sosial şəbəkədə dolğun səhifəsinin olması təqdirəlayiq hal sayılır.