Azərbaycan Respublikası Dövlət Neft Şirkətinin www.socar.gov.az. domen adlı İnternet saytının monitorinqinin yekunu /İCMAL/

Azərbaycan Respublikası  Dövlət Neft Şirkətinin www.socar.gov.az. domen adlı İnternet saytını dolğun saymaq olar. Saytda bu sahəyə aid xidmət haqqında çox geniş bilgilər yer alıb. Saytın istifadəsi rahatdır. Burada sahə ilə bağlı bütün məlumatlara rast gəlmək mümkündür. Qurumun tarixi və Azərbaycanda neft-qazçıxarmanın tarixi ilə bağlı çox geniş məlumat təqdim edilməkdədir. Bu məlumat həm də bir-birindən maraqlı fotoşəkillərlə müşayiət olunur. Qurumun  ünvanı, rəhbərlik haqqında ətraflı məlumatlar, vətəndaşların qəbul günləri və qaydaları, dövlət qulluqçusunun etik davranış qaydaları, qaynar xətt,  onlayn,  telefon və faks əlaqələri, sosial şəbəkələrin hamısında  (fasebook, tvitter, instaqramm, youtube və s. ) səhifələrinin mövcudluğu baxımından qurumun internet resursunu yüksək qiymətləndiririk. Lakin qurumun ünvanına  gəlmək üçün marşrut və ictimai nəqliyyat növü  göstərilməmişdir. Bundan başqa, qurumun büdcəsi və büdcənin icrası haqqında bilgilər də təqdim edilmir. Bunu  sahə işçilərinin əmək haqqı barədə də demək olar. Tender elanları, tender və yarışmaların nəticələri təqdim olunur, lakin tender və yarışmaların nəticələrinin mübahisələrin həlli qaydaları, həmçinin, büdcədənkənar daxilolmalarla bağlı da məlumatlara rastlamadıq. Beləliklə, saytın ümumi mənzərəsi isə aşağıdakı kimidir:

 1.      Qurumun tarixi, qurumun fəaliyyətini təmin edən qanunverici baza haqqında bilgilər yetərli səviyyədədir. Qurumun rəhbərliyi haqda kifayət qədər dolğun bilgi verilir. Kollegiya haqqında da eyni sözləri demək mümkündür.

 2.      Ziyarətçilərin qurum ilə əlaqə saxlaması üçün qurumun yerləşdiyi ünvan, həm ümumi xarakterli, həm də ayrı-ayrı xidmət və alt bölümlərin telefon və faks nömrələri, mümkün olan bütün e-poçt ünvanları göstərilmişdir. Lakin qurumun ünvanının marşrut və sxemi, həmçinin, quruma getmək üçün müxtəlif istiqamətlərdən gələn ictimai nəqliyyat barədə məlumatlar öz əksini tapmır.

 3.      Qurumun strukturu barədə də yetərli bilgi təqdim edilmişdir.

 4.      Rəhbər işçilər, onlarla əks əlaqə, əsas rəhbərin bioqrafiyası, qurumun rəhbəri ilə əks əlaqə imkanları və qurum ilə əks əlaqə üçün ümumi imkanlar təqdim edilir. Rəhbərin müavinlərinin bioqrafiyaları təqdim edilən bilgilər sırasındadır, lakin struktur bölmələrinin rəhbərləri haqqında bioqrafik bilgilər göstərilmir, ayrı-ayrı struktur bölmələrinin rəhbərləri ilə əks əlaqə imkanları mövcuddur.

5.      Qurumun cari fəaliyyəti haqqında mətbuat üçün açıqlamalar; quruma aid olan informasiya, quruma aid olan hər cür başqa cari informasiya yetərli səviyyədədir. Bundan başqa, qurumdaxili əmr və qərarlar; bu cür aktların reyestri (qəbul və qüvvəyə minmə tarixi də daxil olmaqla); qurumun həyata keçirdiyi proqram və layihələr barədə də kifayət qədər bilgi göstərilir.

 6.      Ümumi dövlət büdcəsinin quruma aid hissəsi və onun icrası barədə saytda məlumat yer tutmur.

 7.      Qurum tərəfindən təklif edilən mütləq xidmətlər, elektron formada təklif olunan xidmətlər, xidmətlərin keyfiyyət göstəriciləri, onlayn müraciət imkanı və xidmətlərdən istifadə qaydaları haqqında bilgi geniş əks etdirilir. Həmçinin, qurum tərəfindən təklif edilən əlavə xidmətlər, qaynar xətt nömrəsi də mövcuddur.

 8.      Dövlət qurumu və onun struktur bölmələrinə işə qəbulun hüquqi bazası və  işə qəbulun norma və qaydaları , dövlət qurumu və onun struktur bölmələrindəki mövcud boş iş yerləri haqqında elanlar və boş iş yerləri haqqında elanların arxivi barədə bilgilər təqdim edilmişdir.

 9. Sahə işçilərinin əmək haqları barədə  heç bir məlumata rast gəlinmir.

 10.    Vətəndaşların qəbul şərtləri və qəbul günləri (saatları) barədə də ətraflı məlumatlar mövcuddur.

 11.    Daha bir əks etdirilən bilgi tender və yarışmaların keçirilməsi ilə bağlıdır. Qurum tərəfindən tender və yarışmaların keçirilmə qaydaları, tenderlərin keçirilməsi ilə bağlı elanlar, tender və yarışmaların nəticələri saytda öz əksini tapmışdır.

 12.    Qurumun cari norma- (qanun)yaratma fəaliyyəti, bütün mümkün normativ aktların layihələri (tam mətni pərakəndə halda əks olunur.), bu cür layihələrin müzakirəsində vətəndaşların iştirak şərtləri, qurumun norma- (qanun)yaratma fəaliyyəti ilə bağlı arxiv haqqında bilgilər isə rast gəlinmir.

 13.    Saytın texniki imkanları yaxşı dəyərləndirilir. Ancaq abunə imkanı çatışmır.  Qurumun sosial şəbəkələrdən demək olar ki, hamısında  səhifəsi mövcuddur.