Qubadlı Rayon İcra Hakimiyyəti www.qubadli-ih.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası Qubadlı  Rayon İcra Hakimiyyəti  www.qubadli-ih.com domen adlı İnternet resursunun zəngin məlumatlarla yanaşı kasad məlumatların da zənginləşdirilməsi baxımından bəzi tövsiyələrimizi diqqətə çatdırırıq.

1.    Rayon haqqındakı bilgiləri yüksək qiymətləndirmək olar.

2.    Tövsiyə olunur ki, qurumla ziyarətçilərin əks əlaqəsi üçün təqdim edilmiş qurumun ünvanı, telefon və faks nömrələri, e-poçt ünvanları ilə yanaşı qurumunun ünvanının marşrut və sxemi, quruma başqa yerlərdən getmək üçün marşrut və ictimai nəqliyyat haqqında bilgilərin də təqdim edilməsi .

3.    İcra Hakimiyyətinin  strukturu barədə isə struktur bölmələrinin səlahiyyət çərçivələri və struktur bölmələrinin dəqiq (tam) ünvanları haqqında bilgilərin verilməsi tövsiyə olunur.

4.    Qurumun rəhbər işçilər haqqında təqdim edilmiş bilgilər sırasında struktur bölmələrinin rəhbərləri haqqında bioqrafik bilgilərin də əlavə edilməsini qənaətbəxş hesab etmək olar.

5.    Cari informasiyaların müntəzəm olaraq yerləşdirilməsi və qurumdaxili əmrlər, sərəncamlar, qərarlar və rayonun ictimai-siyasi qurumları, media qurumları haqqında bilgilərin təqdim edilməsi tövsiyə olunur.

6.    Büdcə ilə bağlı bilgilərin saytda yerləşdirilməsi tövsiyə olunur.

7.    Qurum tərəfindən təklif edilən xidmətlər barədə onlayn müraciət imkanı,  qurumun təklif etməli olduğu mütləq və əlavə xidmətlər, elektron formada təklif olunan xidmətlər və qaynar xətt barədə məlumatların da təqdim edilməsi tövsiyə olunur.

8.    Boş iş yerləri və işə qəbulla bağlı bilgilərin də saytda öz əksini tapması gərəklidir.

9.    Daha bir tövsiyə qurumun rəhbərliyinə daxil olan şəxslərin əmək haqları barədə bilgilərin saytda yerləşdirilməsi ilə bağlıdır.

10.    Vətəndaşların qəbul şərtləri və qəbul günləri (saatları) haqqında təqdim edilmiş bilgilər sırasına vəzifəli şəxslər tərəfindən vətəndaşların qəbul norma və qaydaları və qurumda vətəndaşların qəbul qaydaları barədə bilgilərin də əlavə edilməsi tövsiyə olunur.

11.    Tender və yarışmalar haqqında bilgilərin də təqdim edilməsi tövsiyyə olunur.

12.    Saytın texniki imkanlarının daha da inkişaf etdirilməsi abunə imkanının və sayt daxili axtarışın da əlavə edilməsi tövsiyə olunur.