Azərbaycan Respublikasının yanında Vətəndaşlara Xidmət və Sosial İnnovasiyalar üzrə Dövlət Agentliyinin www.asan.gov.az domen adlı İnternet saytının monitorinqinin yekunu /İCMAL/

Azərbaycan Respublikasının yanında Vətəndaşlara Xidmət və Sosial İnnovasiyalar üzrə Dövlət Agentliyinin rəsmi domen adlı internet resursu: www.asan.gov.az saytı yetərli və dolğun bilgi təqdim edir. Saytda bu sahəyə aid xidmət haqqında kifayət qədər bilgilər yer alıb. Saytın istifadəsi rahatdır. Burada sahə ilə bağlı bütün məlumatlara rast gəlmək mümkündür. Qurumun tarixi, ünvanı, onlayn və telefon, faks əlaqələri, sosial şəbəkələrdə səhifələrinin olması baxımından qurumun internet resursunu yüksək dəyərləndiririk. Lakin rəhbərlik haqqında bioqrafik  məlumatların olmaması, sahə işçilərinin əmək haqları, tender elanları, tender və yarışmaların nəticələri, qurumun büdcəsi, büdcədənkənar daxilolmalar və onların istiqamətləri, rəhbər işçilərin tarif stavkası barədə informasiyaların olmaması da diqqətdən qaçmır. Bundan başqa, qurumun saytında bütün digər dövlət qurumlarının qaynar xətlərinin və sosial şəbəkələrdə səhifələrinin olması da saytı zənginıəşdirən xüsusiyyətlərdəndir. Qurumun sosial şəbəkələrdən fasebbok, tvitter, google və digər şəbəkələrdə səhifələri mövcuddur ki, bu da onun vətəndaş cəmiyyətinə açıqlığının göstəricisidir. Beləliklə, saytın ümumi mənzərəsi aşağıdakı kimidir:

 1.      Qurumun tarixi, qurumun fəaliyyətini təmin edən qanunverici baza haqqında bilgilər yetərli səviyyədədir. Qurumun rəhbərliyi haqda bilgilərə rast gəlinmir. Kollegiya haqqında da eyni sözləri demək mümkündür.

 2.      Ziyarətçilərin qurum ilə əlaqə saxlaması üçün qurumun yerləşdiyi ünvan, həm ümumi xarakterli, həm də ayrı-ayrı xidmət və alt bölümlərin telefon və faks nömrələri, mümkün olan bütün e-poçt ünvanları, qurumun ünvanının marşrut və sxemi haqqında bilgi verilir. Quruma getmək üçün müxtəlif istiqamətlərdən gələn ictimai nəqliyyat barədə də məlumatlar təqdim olunmuşdur.

 3.      Qurumun strukturu barədə də bilgi təqdim edilmişdir.

 4.      Rəhbər işçilər, onlarla əks əlaqə, qurumun rəhbəri ilə əks əlaqə imkanları və qurum ilə əks əlaqə üçün ümumi imkanlar təqdim edilir. Əsas rəhbərin bioqrafiyası, onun müavinlərinin bioqrafiyaları, struktur bölmələrinin rəhbərləri haqqında bioqrafik bilgilər, ayrı-ayrı struktur bölmələrinin rəhbərləri ilə əks əlaqə imkanları də təqdim edilməyən məlumatlar sırasındadır.

 5.      Qurumun cari fəaliyyəti haqqında mətbuat üçün açıqlamalar; quruma aid olan informasiya, quruma aid olan hər cür başqa cari informasiya yetərli səviyyədədir. Qurumdaxili əmr və qərarlar; bu cür aktların reyestrinə rast gəlinmir. (qəbul və qüvvəyə minmə tarixi də daxil olmaqla); qurumun həyata keçirdiyi proqram və layihələr barədə də kifayət qədər bilgi göstərilir.

 6.      Ümumi dövlət büdcəsinin quruma aid hissəsi və onun icrası barədə saytda məlumat yer tutmur.

 7.      Qurum tərəfindən təklif edilən mütləq xidmətlər, elektron formada təklif olunan xidmətlər, xidmətlərin keyfiyyət göstəriciləri, onlayn müraciət imkanı və xidmətlərdən istifadə qaydaları haqqında bilgi geniş əks etdirilir. Həmçinin, qurum tərəfindən təklif edilən əlavə xidmətlər də mövcuddur.

 8.      Dövlət qurumu və onun struktur bölmələrinə işə qəbulun hüquqi bazası, işə qəbulun norma və qaydaları, işə qəbulla bağlı komissiyalar, dövlət qurumu və onun struktur bölmələrindəki mövcud boş iş yerləri haqqında elanlar və boş iş yerləri haqqında elanların arxivi barədə bilgilər geniş şəkildə təqdim edilir.

 9. Sahə işçilərinin əmək haqları barədə isə heç bir bilgi təqdim edilmir.

 10.    Vətəndaşların qəbul şərtləri və qəbul günləri (saatları) barədə məlumatlar mövcuddur.

 11.    Daha bir əks etdirilməyən bilgi tender və yarışmaların keçirilməsi ilə bağlıdır. Qurum tərəfindən yarışmaların keçirilməsi ilə bağlı elanlar mövcud olsa da, tender və yarışmaların keçirilmə qaydaları, tenderlərin keçirilməsi ilə bağlı elanlar, tender və yarışmaların nəticələri, elanların arxivi saytda öz əksini tapmır.

 12.    Qurumunun norma- (qanun)yaratma fəaliyyəti, bütün mümkün normativ aktların layihələri (tam mətni) təqdim olunsa da, bu cür layihələrin müzakirəsində vətəndaşların iştirak şərtləri haqda bilgi verilir.

 13.    Saytın texniki imkanları yaxşı dəyərləndirilir. Sosial şəbəkələrdə aktiv səhifələri mövcuddur.