Azərbaycan Respublikası İqtisadiyyat və Sənaye Nazirliyi Sahibkarlığa Kömək Milli Fondunun:www.anfes.gov.azdomen adlı İnternet saytının monitorinqinin yekunu /İCMAL/

Azərbaycan Respublikası İqtisadiyyat və Sənaye Nazirliyi Sahibkarlığa Kömək Milli Fondunun:www.anfes.gov.az  ünvanlı İnternet saytı  sahə ilə bağlı kifayət qədər bilgi verir. Bundan başqa, qurumun  e-xidmətlər bölümü ayrıca təqdim edilir. Sayt özü bütövlükdə zəngindir. Saytın onlayn yazışma forması da təqdim edilmişdir. Ümumilikdə yaxşı təsir bağışlasa da saytda bəzi bölmələr üzrə heç bir bilginin olmaması da diqqətdən qaçmır. Məsələn, qurumun rəhbəri, onun müavinləri, aparat, struktur rəhbərləri haqda heç bir  bioqrafik məlumat verilmir. Qurumun büdcəsi, rəhbər işçilərin tarif stavkası, sahə işçilərinin əmək haqları, tender və yarışmaların elanları, nəticələri, boş iş yerləri haqda elanlar, elanların arxivi haqda da heçbir məlumat göstərilmir.       Qurumun saytında sosial şəbəkələrdə səhifəsi və abunə imkanı göstərilmir. Ən pisi isə odur ki, axtarış sistemi mövcud olsa da, fəaliyyət göstərmir. Bütövlükdə isə saytın durumu aşağıdakı kimidir:

1. Qurum ilə bağlı təqdim edilmiş informasiyalar yetərli sayıla bilər.

 2. Ziyarətçilərin qurum ilə əlaqə saxlaması üçün ümumi imkanlar (qurumun yerləşdiyi ünvan, telefon və faks nömrələri, mümkün olan bütün e-poçt ünvanları) təqdim edilir. Burada yalnız quruma gəlmək üçün ictimai nəqliyyat haqqında bilgilər çatışmır.

 3. Qurumun strukturunun ümumi sxemi və qurumun tabeliyindəki informasiya sistemləri haqqında bilgilər tam şəkildə təqdim olunur. Digər bilgilər (aparat, qurumun alt bölmələri və regional strukturu, struktur bölmələrinin rəhbərləri və onlarla əlaqə saxlamaq üçün imkanlar, struktur bölmələrinin tam ünvanları və struktur bölmələrinin səlahiyyət çərçivələri) haqqında isə natamam məlumat təqdim edilir.

 4. Rəhbər işçilər, onlarla əks əlaqə təqdim edilsə də, qurumun rəhbərinin bioqrafiyası, struktur bölmələrinin rəhbərləri haqqında bioqrafik bilgilər yoxdur.

 5. Qurumun cari fəaliyyəti haqqında informasiyalar yetərli sayıla biləcək qədərdir.

 6. Təəssüf ki, ümumi dövlət büdcəsinin quruma aid hissəsi və onun icrası haqqında  bilgilər saytda əks etdirilmir.

 7. Qurum tərəfindən təklif edilən mütləq xidmətlər, elektron formada təklif olunan xidmətlər, xidmətlərin keyfiyyət göstəriciləri, onlayn müraciət imkanı, qaynar xətt və xidmətlərdən istifadə qaydaları haqqında bilgilər öz əksini tapmışdır.

 8. İşə qəbulun norma və qaydaları barədə natamam bilgilər təqdim edilir.  İşə qəbulla bağlı komissiyalar haqqında, dövlət qurumu və onun struktur bölmələrindəki mövcud boş iş yerləri haqqında elanlar, boş iş yerləri haqqında elanların arxivi barədə bilgilər saytda əks olunmur.

 9. Sahə işçilərinin əmək haqları barədə də heç bir bilgilərə rast gəlinmədiyini söyləmək olar.

 10. Vətəndaşların qəbul şərtləri və qəbul günləri (saatları) barədə  məlumatlar təqdim olunmuşdur.  Dövlət qulluqçusunun etika qaydaları haqqında bilgilər əks etdirilir.

 11. Tender və yarışmaların keçirilməsi ilə bağlı heç bir bilgi yoxdur. Digər bilgilər – tenderlərin keçirilməsi ilə bağlı elanlar, tender və yarışmaların nəticələri  təqdim edilsə də, elanların arxivi və tender və yarışmaların nəticələri ilə bağlı mübahisələrin həlli qaydaları  barədə isə  heç bir məlumat təqdim edilmir.

 12. Növbəti təqdim edilən bilgilər isə qurumun norma- (qanun)yaratma fəaliyyəti haqqındadır.

 13. Saytın texniki imkanları sırasında abunə imkanı da olsaydı yaxşı olardı. Axtarış sisteminin fəailəyyətdə olmaması, həmçinin sosial şəbəkələrdə səhifəsinin yoxluğu da diqqətdən yayınmır.