Tələbələr şikayətlərini elektron poçtla da göndərə bilərlər

Tələbələr  şikayətlərini  elektron poçtla da  göndərə  bilərlər

Təhsil naziri Misir Mərdanov 2006-2007-ci  tədris ilinin  qış imtahan  sessiyasında tələbələrin biliyinin  qiymətləndirilməsində şəffaflığı və obyektivliyi  təmin  etmək, yarana biləcək neqativ  halları  dərhal  aradan qaldırmaq  və digər  müvafiq  tədbirləri  həyata  keçirmək  məqsədilə  əmr imzalayıb.

Həmin əmrə əsasən Təhsil Nazirliyində “Qaynar xətt” yaradılıb. Eyni  zamanda ali və orta ixtisas təhsili müəssisələrinin  rəhbərlərinə rəhbərlik etdiyi təhsil ocağında “Mərkəzi Operativ Qərargah” ın yaradılması, qərargaha daxil olmuş məlumatların  operativ olaraq  nazirliyin  “Qaynar xətt”inə  təqdim olunması  və bununla bağlı  digər məsələlər  barədə ciddi  tapşırıqlar  verilib.

 “Qaynar xətt”ə, habelə, təhsil sisteminin bütün sahələri ilə bağlı baş verə biləcək neqativ hallar barədə də məlumat verilə bilər.

Təhsil  Nazirliyində  fəaliyyət  göstərən  “Qaynar  xətt”lə aşağıdakı telefon və elektron  poçt vasitəsilə  əlaqə  yaratmaq mümkündür.

         Tel: 496-37-61,  496-34-82

Elektron poçt:  office @ edu.gov.az