“İctimai informasiyaların açıqlanmasının aktual problemləri və onların həlli sahəsində vətəndaş cəmiyyətinin rolunun gücləndirilməsi” mövzusunda Dəyirmi Masa keçiriləcək

25.05.2007

Multimedia
İnformasiya Sistemləri  və Texnologiyaları
Mərkəzinin

 Məlumatı

     “İnformasiya  Azadlığının İnkişafı” Koalisiyası  və onun aparıcı qurumu olan Multimedia İnformasiya Sistemləri  və Texnologiyaları Mərkəzi tərəfindən “Vətəndaşların informasiya  azadlığının  gerçəkləşməsinə  dəstək“ Layihəsi  çərçivəsində 06 iyun 2007- cı il  tarixdə , saat 11.00-da , BMM-də  “İctimai informasiyaların açıqlanmasının aktual problemləri və onların həlli  sahəsində  vətəndaş  cəmiyyətinin rolunun gücləndirilməsi” mövzusunda Dəyirmi Masa keçiriləcək.
      Dəyirmi  Masada ictimai əhəmiyyətli informasiyaların yayılması  sahəsində mövcud  vəziyyət  və problemlər, dövlət  qurumlarının internet  resurslarının  bu sahədəki rolu, İnformasiya əldə  olunması haqqında  Qanunun  icrası üzərində vətəndaş  cəmiyyətinin nəzarətinin gücləndirilməsi yolları ətrafında  müzakirələr  aparılacaq.
     Dəyirmi Masada həmçinin “İnformasiya Azadlığının İnkişafı” Koalisiyası  tərəfindən hazırlanan “Dövlət orqanlarının internet resurslarının monitorinqinin METODOLOGİYASI” təqdim olunacaq(www.informasiya.org). Pilot  Bələdiyyələrin İnternet  resurslarının hazırlanması istiqamətində mövcud  vəziyyət  haqqında  məlumat  veriləcək.      Dəyirmi Masada Multimedia Mərkəzinin direktoru  Osman Gündüzün Layihənin expertləri Ələsgər  Məmmədlinin, Azər  Həsrətin və AVCIYA-nın experti Vüqar Tofiqlinin  mövzu ətrafında təqdimatları olacaq.
      Dəyirmi Masada müvafiq hökumət qurumlarının və Bələdiyyələrin nümayəndələri, müstəqil ekspertlər, özəl və ictimai sektorun təmsilçiləri, beynəlxalq təşkilatların nümayəndələrinin iştirakı nəzərdə tutulur.

Layihə  Counterpart İnternasional təşkilatı  tərəfindən  dəstəklənib.

Multimedia Mərkəzi                           
Tel: 492 44 44 
www.informasiya.org
info@informasiya.org