Ombudsman İnsan Hüquqları üzrə Müvəkkil www.ombudsman.gov.az domen adlı İnternet saytının fəaliyyətinin təkmilləşdirilməsi ilə bağlı TÖVSİYƏLƏR

Azərbaycan Respublikası  Ombudsman İnsan Hüquqları üzrə Müvəkkil www.ombudsman.gov.az ünvanlı İnternet saytının monitorinqinni icmal hisəsində də qeyd etdiyimiz kimi, texniki imkanları və funksionallığı da öz yerindədir.
Burada diqqət çəkən məqamlardan biri də e-xidmətlərin olmasıdır. Ancaq bununla belə saytda çatışmayan bilgilər də çoxdur. Lakin nəzərə alsaq ki, saytın texniki imkanları bu çatışmazlığı aradan qaldırmağa yetər, o zaman deyilən istiqamətdə tövsiyələrimizi təqdim etməyə dəyər. Beləliklə, bu resursun təkmilləşdirilməsi üçün bəzi tövsiyələrimizi təqdim edirik:

1. Qurum ilə bağlı bilgilərlə yanaşı, kollegiya haqqında informasiyaların saytda əks etdirilməsi  tövsiyə olunur.

2. Ziyarətçilərin qurum  ilə əlaqə saxlaması üçün verilmiş imkanlar  yaxşıdır. Amma quruma getmək üçün müxtəlif istiqamətlərdən gələn ictimai nəqliyyat barədə ayrıca bilgi verilməsi tövsiyə edilir.

3. Qurumun strukturunun, aparat, qurumun alt bölmələri və  regional strukturu, struktur bölmələrinin rəhbərləri və onlarla əlaqə saxlamaq üçün imkanlar, struktur bölmələrinin dəqiq (tam) ünvanları, struktur bölmələrinin səlahiyyət çərçivələri, qurumun tabeliyindəki informasiya sistemləri haqqında bilgilərin təqdim edilməsi də tövsiyələr sırasındadır.

4. Rəhbər işçilər, onlara əks əlaqələr , rəhbərin müavinlərinin bioqrafiyaları, struktur bölmələrinin rəhbərləri haqqında bioqrafik bilgilər, ayrı-ayrı struktur bölmələrinin rəhbərləri ilə əks əlaqə imkanlarının da əks etdirilməsi gərəklidir.

5. Qurumun cari fəaliyyəti haqqında verilmiş bilgilər sırasında qurumdaxili əmr və qərarlar, bu cür aktların reyestri (qəbul və qüvvəyə minmə tarixi də daxil olmaqla), həmçinin, qurumun həyata keçirdiyi proqram və layihələr barədə bilgilər təqdim edildiyi üçün əlavə tövsiyəyə gərək duyulmur.

6. Yaxşı olardı ki, ümumi dövlət büdcəsinin quruma aid hissəsi və onun icrası barədə məlumat, büdcədənkənar daxilolmalar və onların istiqamətləri barədə informasiyalar da saytda oz əksini tapsın.

7. Qurum tərəfindən təklif edilən xidmətlər haqqında məlumatlar, qaynar xətt nömrəsinin olması saytda öz əksini tapdığı üçün əlavə tövsiyəyə gərk duyulmur.

8. Dövlət qurumu və onun struktur bölmələrinə işə qəbulun hüquqi bazası, işə qəbulun norma və qaydaları, işə qəbulla bağlı komissiyalar, dövlət qurumu və onun struktur bölmələrindəki mövcud boş iş yerləri haqqında elanlar və boş iş yerləri haqqında elanların arxivinin geniş təqdim edilməsinə ehtiyac var. Saytda iki iş elanına rast gəlinir ki, bunlar da yalnız layihələrlə bağlı elanlardır, yəni ştat vahidi üçün nəzərdə tutulmur və həm də əvvəlki illərə aiddir. Yeni vakansiyalar haqqında da məlumatların saytda yer alması tövsiyə olunur.

9. Həmçinin, sahə işçilərinin əmək haqları barədə bilgilərin də saytda yer almasına ehtiyac var.

10. Vətəndaşların qəbul şərtləri və qəbul günləri (saatları) barədə ümumi bilgi olsa da, qurumun ayrı-ayrı vəzifəli şəxsləri tərəfindən vətəndaşların qəbul günləri və saatları, dövlət qulluqçusunun etika qaydaları haqqında bilgilərin əks etdirilməsi tövsiyə olunur.

11. Növbəti tövsiyə tender və yarışmaların keçirilməsi ilə bağlıdır. Qurum tərəfindən tender və yarışmaların keçirilmə qaydaları, tenderlərin keçirilməsi ilə bağlı elanlar, tender və yarışmaların nəticələri, elanların arxivi, tender və yarışmaların nəticələri ilə bağlı mübahisələrin həlli qaydaları barədə bilgilərin təqdim edilməsi də tövsiyə olunur.

12. Daha bir tövsiyə qurumun norma- (qanun) yaratma fəaliyyəti barədədir. Düzdür, qurumdaxili əmrlər, onların mətni göstərilib, amma yaxşı olardı ki, bütün mümkün normativ aktların layihələri (tam mətni), bu cür layihələrin müzakirəsində vətəndaşların iştirak şərtləri, qurumun norma- (qanun) yaratma fəaliyyəti ilə bağlı arxiv də öz əksini tapsın.

13. Saytın texniki imkanları sırasına abunə imkanının və sosial resurslarda səhifəsinin hazırlanması da növbəti tövsiyələrdəndir.