www.az-customs.net – Azərbaycan Respublikası Dövlət Gömrük Komitəsinin İnternet saytı

Dövlət Gömrük Komitəsinin İnternet saytı olduqca ağır açılır və ziyarətçilər üçün heç də əlverişli sayıla bilməz. Saytda faydalı məlumatlar az olmasa da faydasız və gömrüyə heç bir dəxli olmayan məlumatlar da nəzərə çarpır. Misal üçün «İlhamla irəli» başlığı altında bir neçə videoklipin saytda nə üçün yerləşdirilməsini anlamaq olmur. Müsbət hallardan biri kimi bütün səhifələrin sonunda DGK-nın e-poçt da daxil olmaqla ünvanının, telefon və faks nömrələrinin yerləşdirilməsini qeyd etmək olar. Ümumilikdə isə sayt aşağıdakı bölmələrdən ibarətdir:

• Struktur: rəhbərlik (DGK sədri və müavinlərinin telefon nömrələri və şəkilləri), mərkəzi aparat, sistemə daxil olan gömrük organları və təşkilatları (bir çoxlarının sadəcə telefon nömrələri verilib)
• Gömrük tarif siyasəti: Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri
• Gömrük rəsmiləşdirilməsi: Azərbaycan Respublikasının gömrük sərhədindən fiziki şəxslər tərəfindən nəqliyyat vasitələrinin keçirilməsi qaydaları, Azərbaycan Respublikasının sərhədlərində yerləşən sərhəd gömrük orqanları və onların iş rejimi
• Qanunvericilik: gömrük işi haqqında qanunvericilik (qanunlar, sərəncamlar, fərmanlar və qərarlar)
• Beynəlxalq əlaqələr: Azərbaycan gömrük xidməti inkişaf yollarında (xəbərlər, beynəlxalq əlaqələr və s.)
• Gömrük xəbərləri: «Gömrük xəbərləri» qəzetinə keçid
• Statistika: xarici ticarətin vəziyyəti (aylar və illər üzrə) və iqtisadi göstəricilərin təhlili (2003)
• Video materiallar: "Sabaha İlhamla", "Sabaha inam", "İlhamlı günlər" və s. videokliplərini yükləmək olar
• Faydalı istinadlar: bir sıra ölkələrin və beynəlxalq qurumların gömrük saytlarına keçid
• Suallar və cavablar: daha çox soruşulan suallar və onların cavabları, həmçinin sual vermək üçün onlayn forma

Nəticə olaraq onu demək olar ki, bu saytın 2003-cü ildə hazırlandığı qənaəti hasil olur. Ancaq vaxt-vaxtdan yeniləndiyi də hiss olunur. Ən qəribəsi isə odur ki, mətbuat xidməti və ya ictimai əlaqələrə məsul olan qurum haqqında burada məlumat yoxdur. Bundan başqa saytda axtarış menyusu da yoxdur.