25.06.2007
Multimedia
İnformasiya Sistemləri və Texnologiyaları
Mərkəzinin
Məlumatı
“İnformasiya Azadlığının İnkişafı” Koalisiyası tərəfindən dövlət orqanlarının internet resurslarının Monitorinqi davam edir.
Monitorinq Koalisiya tərəfindən hazırlanan “Dövlət orqanlarının İnternet resurslarının Monitorinqinin Metodikası”na uyğun olaraq gerçəkləşdirilir.
Metodika əsasən İnformasiya əldə edilməsi haqqında Qanunun və Dövlət orqanlarının və Bələdiyyələrin İnternet resurslarının formalaşdırılması Qaydalarının tələblərinə uyğun olaraq açıqlanması məcburi olan informasiyaların İnternet resurslarda yerləşdirilməsinin, dövlət xidmətlərinin onlayn formada göstərilməsinin və internet resursların çevikliyinin qiymətləndirilməsini nəzərdə tutur.
Koalisiya tərəfindən indiyədək Təhsil Nazirliyinin, Milli Məclisin, Milli Təhlükəsizlik Nazirliyinin, Vergilər Nazirliyinin ,Nazirlər Kabinetinin və Nəqliyyat Nazirliyinin rəsmi internet resurslarının monitorinqi aparılıb. Monitorinq nəticəsində dövlət qurumlarının rəsmi internet resurslarının mövcud vəziyyəti analiz olunub və onların fəaliyyətinin daha da təkmilləşdirilməsi məqsədilə müvafiq Tövsiyələr hazırlanıb. Adları çəkilən dövlət orqanlarının internet resurslarının monitorinqinin yekunu və müvafiq Tövsiyələr www.informasiya.org saytında yerləşdirilib.
Monitorinqin yekunu olaraq dövlət orqanlarının İnformasiya Açıqlığı üzrə Reytinq Cədvəlinin tərtib olunması nəzərdə tutulub.
Monitorinq Counterpart İnternasional təşkilatı tərəfindən dəstəklənən “Vətəndaşların informasiya azadlığının gerçəkləşməsinə dəstək” Layihəsi çərçivəsində keçirilir.
Daha geniş məlumatı www.informasiya.org saytından əldə edə bilərsiniz.
Multimedia Mərkəzi
Tel: 492 44 44
www.informasiya.org
info@informasiya.org