Səhiyyə Nazirliyinin www.sehiyye.gov.az domen adlı rəsmi internet saytının monitorinqinin yekunu

posted by

26 iyun 2007

Səhiyyə Nazirliyinin www.sehiyye.gov.az domen adlı rəsmi internet saytının monitorinqi aparılmışdır. Monitorinq nəticəsində istifadəçilərlə interaktiv əlaqənin qurulması və istifadəçilərin sual və təkliflərinin cavablandırılması, onların icmalının verilməsi müəyyən olunub. Bundan başqa saytda səhiyyədə aparılan islahatlara, eləcə də həkim məsləhətləri ilə bağlı informasiyalar xeyli yer verilmişdir. Ümumiyyətlə sayt bir sıra çatışmayan cəhətləri olmaqla standart tipli yaradılıb və səhiyyə sahəsində görülən bir çox işləri özündə əks etdirir. Monitorinqin yekunları aşağıda verilib:

Səhiyyə Nazirliyi haqqında ümumi məlumatlar

1. Səhiyyə Nazirliyinin yaranma tarixi verilsə də, struktur sxemi, nazir, nazir müavinləri və onun digər şöbələrinin vəzifəli şəxsləri barədə məlumatlara yer verilməyib. Eyni zamanda rəhbər işçilərin qəbul saatları barədə məlumatlar və vətəndaşların qəbul qaydaları yoxdur.

2. Çatışmayan cəhətlərdən biri də vəzifəli şəxsin tərcümeyi-halı, onun telefonu, e-mail ünvanı və vətəndaşların qəbul qrafikinin göstərilməməsidir.

3. Boş iş yerləri haqqında elan verilsədə, işə qəbul və müsabiqə qaydaları yoxdur.

4. Nazirlik aparatının ştat cədvəli nəzərə alınmayıb.

5. Nazirliyin öz əmr, sərəncam və qərarlar haqqında məlumata rast gəlinmir.

6. Müsbət cəhətlərdən biri kimi saytda bir çox məsələlərin hüquqi həllini tapmaq üçün istifadə olunan səhiyyə aid qanunlar toplusu və Azərbaycan Respublikası Prezidentinin Fərmanlarının ətraflı verilməsini qeyd etmək olar

7. Ancaq öz sahəsində dövlət sirri təşkil edən məlumatların siyahısı isə yoxdur.

Səhiyyə Nazirliyinin fəaliyyəti barədə hesabatlar. Büdcə və büdcə proqnozları

Bu blokda qanunvericilik tərəfindən qarşıya qoyulmuş bir çox tələblər yerinə yetirilsə də bir sıra çatışmazlıqlar var. Belə ki, saytda nazirliyin cari fəaliyyəti, şikayət, təklif və sorğuların icmalı, informasiya sorğularının tərtib olunması, qəbulu və göndərilməsi qaydaları, tenderə çıxarılacaq sahələr, müsabiqələr və onların nəticələri, inkişaf planları və proqramları haqqında, öz səlahiyyəti daxilində həyata keçirdiyi yoxlamalar haqqında məlumatlar verilib və mütəmadi dəyişikliklər edilir. Lakin qanunveicilikdə nəzərdə tutulan ancaq saytda öz əksini tapmayan cəhətlər vardır. Bunlar aşağıdakılardır:

1. Öz sahəsi ilə əlaqəli digər informasiya resursları haqqında məlumatlar yoxdur.

2. Dövlət satınalmaları, tenderlər , müsabiqələr haqqında məlumatlar verilməyib.

3. Sahəyə aid dövlət büdcəsi, dövlət büdcəsinin xərci , icrası barədə hesabatlar yoxdur.

4. Qüvvədə olan əmək haqqı dərəcələri, əməyin ödənilməsinə dair təlimatlar, habelə əlavə haqların ödənilməsi qaydaları və xüsusi güzəştlər barədə məlumatlar Nazirlər Kabinetinin qərarında nəzərdə tutulsa da saytda bu nəzərdə tutulmayıb.

5. Dövlət orqanının səlahiyyətli nümayəndələrinin çıxışlarına az yer verilib.

Göstərilən xidmətlərə dair məlumatlar.

Göstərilən xidmətlər saytda yaxşı təşkil olunub. Ancaq xidmətlər, lisenziyalar, rüsumlar və onların doldurulmuş nümunələri verilməyib.

Sayt olan texniki tələbatlar

1. Saytın hər hansı geniş yayılmış xarici dildə olan versiyası yoxdur.

2. Dövlət orqanları, habelə aidiyyatı üzrə beynəlxalq təşkilatların saytlarına keçidlər qoyulmayıb.