Bələdiyyələrdə ictimai informasiyaların açıqlanmasının effektiv mexanizmlərinin yaradılması” mövzusunda Seminar keçirilib

posted by

29.06.2007

Multimedia
İnformasiya Sistemləri və Texnologiyaları Mərkəzinin
Məlumatı

    Bu gün “İnformasiya Azadlığının İnkişafı “ Koalisiyası və onun aparıcı qurumu olan Multimedia İnformasiya Sistemləri və Texnologiyaları Mərkəzi tərəfindən “Bələdiyyələrdə ictimai informasiyaların açıqlanmasının effektiv mexanizmlərinin yaradılması” mövzusunda Seminar keçirilib. Seminarda Bakı şəhəri Bələdiyyələrinin, Bələdiyyə Assosiasiyasıyalarının, Bərdə şəhər Bələdiyyəsinin nümayəndələri iştirak edib.
    Seminarda “Bələdiyyələrin informasiya açıqlığında informasiya texnologiyalarının rolu” mövzusunda Multimedia Mərkəzinin direktoru Osman Gündüzün və “Bələdiyyələrin İnternet resurslarının yaradılması və ondan səmərəli istifadə edilməsi” mövzusunda “Sahil” İnformasiya Texnologiyaları Mərkəzinin direktoru Vahid Qasımovun təqdimatları olub.
    Seminarda İnformasiya əldə etmək haqqında Qanunun tələblərinə uyğun olaraq ictimai informasiyaların açıqlanması üçün İnternet resursların formalaşdırılması və ondan səmərəli istifadə yolları ətrafında diskussiya aparılıb. Pilot olaraq seçilmiş M. Rəsulzadə Bələdiyyəsinin internet saytının formalaşdırılması ətrafında praktiki addımlar nümayiş edilib.
    Seminar iştirakçılarını maraqlandıran suallar ekspertlər tərəfindən cavablandırılıb.
    Qeyd edək ki, layihənin tərəfdaşı kimi Azərbaycanda Vətəndaş Cəmiyyətinin İnkişafına Yardım Assosiasiyası çıxış edir.
    Seminar iştirakçılarına müvafiq ədəbiyyatlar paylanıb.
    Seminar Counterpart İnternational təşkilatının dəstəyi ilə “İnformasiya Azadlığının İnkişafı “ Koalisiyası tərəfindən gerçəkləşdirilən “Vətəndaşların informasiya azadlığının gerçəkləşməsinə dəstək“ Layihəsi çərçivəsində keçirilir. Bu Layihə çərçivəsində dövlət orqanlarının internet resurslarının monitorinqinin aparılması, Bakı şəhəri Nəsimi Bələdiyyəsi və M. Rəsulzadə Bələdiyyəsinin , Bərdə şəhər və Lənkəran şəhər Bələdiyyələrinin internet resurslarının da yaradılması nəzərdə tutulub.
   Layihə haqqında daha geniş məlumatı www.informasiya.org saytından əldə etmək olar

Multimedia Mərkəzi
492-44-44
www.informasiya.org
info@informasiya.org